Авторизация
 

Прадпрымальнік з Дзісны Наталля Астроўская развівае сваю справу і родны край

 Перадсвяточныя дні ў дзісенскім кафэ распісаны на карпаратывы. Гаспадыня «Дзвіны» Наталля Астроўская ў новым годзе плануе далей развіваць сваю справу і родны гарадок. 

Халоднай парой наведвальнікаў у кафэ паменела, а варыянтаў цікавага вольнага часу дабавілася.
– Ладзілі квэст, інтэлектуальную гульню, нядаўна прайшоў вечар караоке, – расказвае Наталля Астроўская. – Весці мерапрыемствы запрашала вядучых з Полацка. Для дзісенцаў загадзя размяшчалі аб’явы, у тым ліку ў сацыяльных сетках. Пытанні для гульняў самі шукалі з розных крыніц.


Інтэлектуальны складнік гаспадыня кафэ плануе зрабіць пастаянным. У камандах акрамя мясцовых жыхароў бачыць гараджан з суседніх Полацка і Наваполацка. Пашырае там кантакты.


Чакаюць у наступным годзе ў «Дзвіне» гасцей з блізкага і далёкага замежжа. Сёлета тут пабывалі мастакі з Расіі, дэлегацыі з Германіі, Вялікабрытаніі, Ізраіля, Швецыі. У ліку ізраільцян – сям’я Леках, чые продкі ў свой час шмат зрабілі для развіцця Дзісны. Наведаць у чарговы раз самы маленькі горад Беларусі і яшчэ бліжэй з ім пазнаёміцца намераны шведы. Кіраўнік шведска-беларускай бізнес-асацыяцыі Арнэ Элефорс рады паказаць землякам адметнасці беларускага гарадка, з якім супрацоўнічае яшчэ з сярэдзіны нулявых. Гасцям са Швецыі нават узрост не перашкода. Самай старэйшай удзельніцы сёлетняй дэлегацыі 92 гады.


Напрамкі для руху наперад Наталля Астроўская бачыць як у сваім кафэ, так і ў роднай Дзісне. На фінішнай прамой афармленне дакументаў некамерцыйнай арганізацыі, якая будзе распрацоўваць праекты развіцця Дзісны і падаваць заяўкі на гранты. У ліку задум – стварыць у былым будынку казначэйства гісторыка-культурны цэнтр. Рыхтуецца адпаведная заяўка на конкурс мясцовых ініцыятыў у рамках праекта «Разам для грамады і прыроды: узмацненне працэсу развіцця ў Міёрскім раёне праз супрацоўніцтва мясцовай улады і грамадзянскай супольнасці».

Фота з асабістага архіва Наталлі АСТРОЎСКАЙ.

Кацярына РЫНКЕВІЧ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 22 июня 2021
Александр, Алексей, Иван, Кирилл, Рафаил, Мария, Марфа, Марианна, Фекла

Именины 21 июня 2021
Василий, Константин, Павел, Федор, Ефрем

Госці краін

free counters
Партнеры сайта