Авторизация
 

У Год малой радзімы добраўпарадкаванне ў Міёрах і Дзісне

 У Год малой радзімы паўсюдна ў рэспубліцы актывізуецца работа па добраўпарадкаванні населеных пунктаў. Камунальная служба, прадстаўнікі арганізацый і прадпрыемстваў у Міёрах і Дзісне выкарысталі сонечныя дні перад велікоднымі святамі, каб пачаць ачыстку заасфальтаваных вуліц ад рэшткаў пясчана-солевай падсыпкі. Паступова далучаюцца да ўборкі смецця ў дварах і на сядзібах гаспадарлівыя гараджане і вяскоўцы.

— Куды трапляе смецце з нашых вуліц і двароў? — звяртаюся да майстра па добраўпарадкаванні УП ЖКГ Аляксандра Федуковіча. Для яго пытанне далёка не рытарычнае, а канкрэтна па профілі дзейнасці.


— Усё, што вывозіць з населеных пунктаў спецыялізаваная тэхніка камунальнай службы, па меры магчымасці дадаткова дасартыроўваецца, каб выдаліць другасныя рэсурсы для далейшай перапрацоўкі. Астатняе трапляе на палігоны цвёрдых бытавых адходаў у Міёрах і Дзісне, на міні-палігоны ля буйных аграгарадкоў, — сцвярджае Аляксандр Эдуардавіч. — Калі смецце па ўласнай ініцыятыве вывозіць насельніцтва, па-першае, дасартыроўкі няма, па-другое, не ведаеш, куды яно трапіць. Ці не таму загрувашчваюцца навакольныя лясы і зараснікі хмызнякоў.


— Сітуацыя з самавывазам смецця сёлета ўскладняецца, — папярэджвае Аляксандр Эдуардавіч, — бо колькасць міні-палігонаў скароціцца не менш, чым удвая. Каб папярэдзіць негатыўныя наступствы, нашы работнікі разам з прадстаўнікамі сельвыканкамаў актыўна заключаюць і дазаключаюць дагаворы на вываз цвёрдых бытавых адходаў (ЦБА) у сельскіх населеных пунктах. У бліжэйшыя дні красавіка гэта будуць вёскі Наўгароды і Волкаўшчына ў Новапагосцкім сельсавеце.


Пра тое, што гэта неабходна, сведчаць факты. Так, цяпер у раёне на вываз ЦБА заключаны 4632 дагаворы, якія ахопліваюць каля 10,5 тысячы чалавек, што складае прыкладна палавіну насельніцтва раёна.


Тэму працягвае юрысконсульт УП ЖКГ Таццяна Бяляева:
У Жыллёвым кодэксе Рэспублікі Беларусь дакладна прапісаны абавязак уласніка жылфонду (у тым ліку прыватнага сектара) па заключэнні дагавораў на вывазку цвёрдых камунальных адходаў з арганізацыяй, якая прадастаўляе такую паслугу. Гэта значыць, з нашым УП ЖКГ. Яна аказваецца ў абавязковым парадку, акрамя выпадкаў, калі для гэтага няма тэхнічных магчымасцей. Вызначаны парадак аплаты за аказанне паслугі — не пазней 25 чысла. Сума вылічваецца на падставе норм спажывання, якія ўстанаўліваюць мясцовыя выканаўчыя і распарадчыя органы, а таксама тарыфаў на камунальныя паслугі. Цяпер гэта 1 рубель 52 капейкі з разліку на кожнага зарэгістраванага жыхара ў месяц. Прадугледжаны льготы для інвалідаў І і ІІ груп.


Міністэрства жыллёва-камунальнай гаспадаркі патлумачыла, што вывазка, абясшкоджванне і перапрацоўка цвёрдых камунальных адходаў адносяцца да асноўных жыллёва-камунальных паслуг. Уласнікі прыватных жылых дамоў не маюць права ад яе адмовіцца. Хаця і гэта не вызваляе ад неабходнасці аплаты фактычна аказанай паслугі.


На Міёршчыне ўжо арганізаваны вываз цвёрдых камунальных адходаў з 39 сельскіх населеных пунктаў. Іх колькасць павялічыцца.
Мы павінны жыць цывілізавана, у чыстым прыродным асяроддзі.

Фота для ілюстрацыі.
Падрыхтаваў Леанід МАТЭЛЕНАК.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках

  • да 2018
  • 2019
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 97 727
  • 0

Інвестыцыйны форум

  • 23 сентябрь 2011, 10:05
  • 82 362
  • 1

Злавілі рыбку, ды… залатую

  • 28 февраль 2011, 16:16
  • 68 308
  • 0

Пераброддзе 2012. Погляд вучонага

  • 31 август 2012, 15:19
  • 41 215
  • 0

  • 11 февраль 2011, 11:20
  • 39 786
  • 0

Кандыдатамі жадаюць стаць

  • 21 август 2012, 15:30
  • 36 246
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 329
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 22 ноября 2019
Александр, Алексей, Антон, Виктор, Дмитрий, Иван, Илья, Иосиф, Константин, Порфирий, Тимофей, Федор, Семен

Именины 21 ноября 2019
Гавриил, Михаил, Павел, Рафаил

Госці краін

free counters
Партнеры сайта