Авторизация
 

"Румы ў полі" — вёска Румполле

 Румполле — невялікая вёска на рацэ Авута ў Завуццеўскім сельсавеце. Яе назва мне падалася незвычайнай, небеларускай па гучанні і адразу трапіла ў спіс для асабістага даследавання. Здалося, што яна хавае розныя цікавыя варыянты паходжання. Так ці не — зараз даведаемся. 

Пошукі зноў прывялі да "настольнай кнігі", якой даўно карыстаюся — "Слоўнік беларускіх мясцовых геаграфічных тэрмінаў" І.Я. Яшкіна. У ёй я засведчыў, што тэрмін "рум" даволі распаўсюджаны ў нашай краіне. Але часцей за ўсё сустракаецца на Віцебшчыне. Цікава, чаму?
У слоўніку бачым некалькі значэнняў. "Рум" — гэта: 1) месца на беразе ракі, куды звозяць зімой бярвенне для сплаву і дзе вясной нарыхтаваны лес вяжуць у плыты. Лясная прыстань; 2) складаванне бярвенняў у штабелі, якія вывезены з лесу; 3) нарыхтоўка лесу на палянцы; 4) дрывасечныя складаванні для сплаву.


Віцебская вобласць здаўна лічыцца самай лясістай у краіне. Гэта зараз такога покрыва засталося няшмат, а ў часы князёў ды імператараў на большай частцы сучаснай тэрыторыі размяшчаліся балоты ды лясы. Многія залежныя сяляне працавалі на памешчыкаў, у тым ліку і на нарыхтоўцы драўніны для продажу. Сплаўлялі яе плытамі па буйных і невялікіх рэках, такіх як Авута, якая цячэ побач з вёскай у Заходнюю Дзвіну. Месцы, дзе лес перад адпраўкай складалі на роўнай пляцоўцы для сушкі, часцей за ўсё на полі, называлі "румамі. Румы" ў полі — адгэтуль, мабыць, і паходзіць мясцовасць. Потым побач магло ўзнікнуць пастаяннае паселішча — Румполле.


Другая частка назвы — "полле" — верагодна, змененае запазычанае слова "polis"(горад, паселішча). Часта паны і памешчыкі для надання гучнасці і велічнасці сваёй маёмасці ўжывалі ў канцы слова гэтую частку — "полле", "поль", "паль". Прыклад у нашым раёне — вёскі Лявонпаль, Камянполле і, урэшце, Румполле. Або "полле", "поль" — гэта змененае слова "поле", і тады сэнс мяняецца на "вёска ў полі".
Другі варыянт паходжання назвы Румполле таксама варты ўвагі, мае месца быць адным з верагодных, але мне ён падаецца не такім рэчаісным. У тым жа слоўніку "рум" — "гэта хата з хлявом і іншымі гаспадарчымі будынкамі пад адной страхой, або ў адзін рад". У нашай мясцовасці дзе-нідзе яшчэ сустракаюцца такія пабудовы, часцей за усё ў невялікіх вёсачках.

Фота з карты мясцовасці са спадарожніка.
Дзмітрый ВАСІЛЕНКА.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 93 985
  • 0

Інвестыцыйны форум

  • 23 сентябрь 2011, 10:05
  • 69 868
  • 1

Пераброддзе 2012. Погляд вучонага

  • 31 август 2012, 15:19
  • 35 522
  • 0

  • 11 февраль 2011, 11:20
  • 34 265
  • 0

Злавілі рыбку, ды… залатую

  • 28 февраль 2011, 16:16
  • 33 634
  • 0

Кандыдатамі жадаюць стаць

  • 21 август 2012, 15:30
  • 32 975
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 21 989
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 13 декабря 2018
Андрей, Иван

Именины 12 декабря 2018
Даниил, Денис, Иван, Николай, Парамон, Сергей, Федор

Госці краін
free counters
Партнеры сайта