Авторизация
 

Аляксандр Лукашэнка прапануе пашырыць супрацоўніцтва паміж Беларуссю і Латвіяй

 Аляксандр Лукашэнка прапануе сур’ёзна пашырыць супрацоўніцтва паміж Беларуссю і Латвіяй. Пра гэта заявіў 16 студзеня на сустрэчы з прэм’ер-міністрам Латвіі Крыш’янісам Карыньшам.

Прэзідэнт Беларусі падкрэсліў, што яшчэ ў часы Савецкага Саюза эканамічныя сувязі дзвюх краін адрозніваліся трываласцю. Аднак важна не столькі азірацца назад, колькі звяртаць увагу і погляд у будучыню. Тут намецілася шмат напрамкаў супрацоўніцтва.
Тавараабарот паміж нашай краінай і Латвіяй у 2018 годзе склаў $582,7 мільёна, што амаль на 33 % больш у параўнанні з узроўнем 2017-га. Экспарт – $485,6 мільёна, імпарт – $97,1 мільёна. У студзені – лістападзе летась тавараабарот склаў больш за $460 мільёнаў пры экспарце $377,5 мільёна.


Экспарт паслуг у 2018 годзе – $188,2 мільёна, а па выніках студзеня – кастрычніка мінулага года – $136,6 мільёна.
За 2018 год у эканоміку Беларусі прыцягнулі інвестыцый з Латвіі ў аб'ёме $107,5 мільёна, у тым ліку прамых – $82,1 мільёна. У студзені – верасні летась – $68 мільёнаў, уключаючы $53,6 мільёна прамых.


На тэрыторыі Беларусі працуюць 585 прадпрыемстваў з удзелам латвійскага капіталу – у сферах гандлю, паслуг, дрэваапрацоўкі, фармацэўтыкі. Дзейнічае двухбаковая міжурадавая камісія па эканамічным і навукова-тэхнічным супрацоўніцтве, савет дзелавога супрацоўніцтва, змешаная камісія па міжнародных аўтамабільных зносінах, рабочая група па транспарце.


Як адзначыў прэм’ер-міністр Крыш'яніс Карыньш, Латвія зацікаўлена развіваць добрыя адносіны з Беларуссю. Закрануў пытанні падрыхтоўкі візіту Аляксандра Лукашэнкі ў Рыгу 3 красавіка. У Латвіі нядаўна змяніліся рэгламенты кіравання партамі, і цяпер яны цалкам падкантрольныя ўраду. «Мы адкрытыя для бізнесу», – адзначыў Крыш'яніс Карыньш.
Закранулі тэму падрыхтоўкі да чэмпіянату свету па хакеі, які ў 2021 годзе пройдзе ў Мінску і Рызе.


Латвія бачыць вялікую прастору для развіцця супрацоўніцтва. «З аднаго боку, можна экспартаваць з Беларусі праз латвійскія парты нафтапрадукты. Можна абмеркаваць і іншую магчымасць – імпарт нафты з усяго свету праз Латвію ў Беларусь. Вядома, кампаніям трэба даследаваць гэта пытанне, бо бізнес павінен быць узаемавыгадным. Тут мы бачым вялікія магчымасці для Латвіі і Беларусі», – заявіў Крыш'яніс Карыньш.


На пытанне, калі магчыма дасягнуць такіх дамоўленасцей, прэм'ер-міністр заўважыў, што гэтым трэба цікавіцца ў кампаній. Урад імкнецца да развіцця бізнес-магчымасцей. Трэба ўзаемадзейнічаць з тэрміналамі, чыгуначнымі кампаніямі, якія забяспечаць пастаўкі.
Напярэдадні візіту ў Мінск прэм'ер-міністра пасол Латвіі ў Беларусі ў інтэрв'ю БЕЛТА расказаў, што пытанне так званых рэверсных, або альтэрнатыўных паставак нафты не новае ў адносінах краін. Яго абмяркоўваюць пастаянна. Латвійскае міністэрства транспарта Трэцяга студзеня пацвердзіла, што заўсёды гатова ўдзельнічаць у праектах па альтэрнатыўных пастаўках нафты. Што да нафтапрадуктаў, то гэта адпрацаваная схема беларуска-латвійскага супрацоўніцтва з добрымі вынікамі.


У 2019 годзе экспарт нафтапрадуктаў праз латвійскія парты ў Беларусь па чыгунцы склаў 3,7 мільёна тон, што сведчыць пра стабільнае развіццё галіны з вялікімі аб'ёмамі. У асноўным задзейнічаны галоўныя парты Латвіі (Вентспілс, Рыга, крыху Ліепая), дзе ёсць неабходныя тэхнічныя магчымасці, глыбіня акваторый.


Кіраўнік Латвійскай чыгункі ў снежні мінулага года ў Мінску сустракаўся з беларускімі калегамі і абмяркоўваў перспектывы развіцця сувязей. Як паведамлялася раней, урад Беларусі працягвае адпрацоўваць схему альтэрнатыўных паставак нафты, вывучаюцца ўсе магчымыя варыянты. Са слоў віцэ-прэм'ера Дзмітрыя Крутога, усе камерцыйныя службы нашых заводаў, Беларускай нафтавай кампаніі знаходзяцца на перагаворах практычна ў штодзённым рэжыме. Верагодна, тут мы таксама хутка атрымаем альтэрнатыўныя варыянты пастаўкі канкрэтнай нафты. Усе магчымыя краіны: і Украіна, і Польшча, і краіны Балтыі, і Казахстан, Азербайджан.


З прэм'ер-міністрам Беларусі Сяргеем Румасам прэм'ер-міністр Латвіі Крыш'яніс Карыньш абмяркоўвалі пытанні энергетыкі. Суседняя краіна не выключае магчымасці куплі электраэнергіі ў Беларусі. Гэта тэма абмяркоўвалася ў тым ліку ў кантэксце ўводу Беларускай АЭС. Кабінет міністраў Латвіі падтрымаў прапанову Міністэрства эканомікі аб тым, што ў выпадку прыпынення Літвой гандлю электраэнергіяй з Беларуссю гандаль будзе перанесены з літоўскай на латвійскую граніцу для забеспячэння прамых паставак.
Вялікі патэнцыял для супрацоўніцтва ў сферы грузаперавозак. Беларусь як краіна, якая не мае выхаду да мора, вельмі зацікаўлена ў патэнцыяле латвійскіх партоў для перавалкі самых разнастайных айчынных грузаў.


Зацікаўлена Латвія ва ўмацаванні не толькі двухбаковых адносін з Беларуссю, але і паміж Беларуссю і Еўрасаюзам, асабліва ва «Усходнім партнёрстве».

Фота для ілюстрацыі.
Па матэрыялах БЕЛТА.

рейтинг: 
Пакінуць каментар
Мы ў сацыяльных сетках

  • да 2018
  • 2019
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 048
  • 0

Інвестыцыйны форум

  • 23 сентябрь 2011, 10:05
  • 84 122
  • 1

Злавілі рыбку, ды… залатую

  • 28 февраль 2011, 16:16
  • 76 537
  • 0

Пераброддзе 2012. Погляд вучонага

  • 31 август 2012, 15:19
  • 42 121
  • 0

  • 11 февраль 2011, 11:20
  • 40 581
  • 0

Кандыдатамі жадаюць стаць

  • 21 август 2012, 15:30
  • 36 387
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 527
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 18 февраля 2020
Антон, Макар, Михаил, Александра, Василиса

Именины 17 февраля 2020
Александр, Алексей, Андрей, Аркадий, Борис, Василий, Георгий, Дмитрий, Иван, Иосиф, Кирилл, Михаил, Николай, Петр, Сергей, Федор, Юрий, Анна, Екатерина

Госці краін

free counters
Партнеры сайта