У Віцебску прайшла аператыўная нарада абласнога ўпраўлення Дэпартамента аховы з удзелам намесніка начальніка Дэпартамента аховы, начальніка ўпраўлення ідэалагічнай работы і кадравага забеспячэння Анатоля Сафановіча.

У рамках сустрэчы падводзілі вынікі службовай дзейнасці за мінулы год і вызначалі задачы на бягучы. Увага на захаванне кадравага звяна і павышэнне ўзроўню прафесійнай падрыхтоўкі асабовага саставу па напрамках дзейнасці ў мэтах забеспячэння надзейнай абароны ахоўных аб'ектаў, маёмасці грамадзян і эфектыўнага выканання задач.

Завяршыла мерапрыемства ўзнагаро- джванне за добрасумленную службу, атрыманне чарговых спецыяльных званняў. Па выніках работы за 2025 год вызначаны найлепшыя падраздзяленні аховы ў чатырох падгрупах.

Адзначаны супрацоўнікі з Міёрскага аддзялення. Дыплом і памятны прыз у намінацыі «Найлепшае аддзяленне аховы» трэцяй падгрупы ўручыў начальнік упраўлення Сяргей Мурашкін начальніку аддзялення Міхаілу Пракопчыку. Годны вынік службовай дзейнасці каманднай работы калектыва за мінулы год.

Дзейнасць падраздзяленняў аховы ацэньвалася па многіх паказчыках: фактычных выніках работы па аказанні ахоўных паслуг, павышэнні ўзроўню аховы грамадскага парадку на аб’ектах, у зонах вартавых пастоў і на маршрутах патрулявання. Улічваўся рост і змяненне колькасці гадзін міліцэйскай і вартавой аховы ў адносінах да пачатку года, рост пультавой аховы, колькасць адвольных спрацоўванняў сродкаў сігналізацыі адносна ўмоўнай устаноўкі і іншае.

Таксама ў пачатку лютага плануецца ўшанаванне супрацоўнікаў, прызнаных найлепшымі па прафесіі. Сваёй узнагароды чакае бухгалтар Міёрскага аддзялення Жанна Лаўрыновіч.

Падрыхтавала Вольга ВІШНЕЎСКАЯ.
Фота ohrana.gov.by.