Авторизация
 

Напярэдадні Міжнароднага дня сям’і ў міёрскім ТЦСАН прайшла эстафета пакаленняў «Вянец усіх каштоўнасцей – сям’я!»

 Напярэдадні Міжнароднага дня сям’і ў тэрытарыяльным цэнтры сацыяльнага абслугоўвання насельніцтва прайшла эстафета пакаленняў «Вянец усіх каштоўнасцей – сям’я!». Супрацоўнікі аддзяленняў падрыхтавалі яе для шматдзетных бацькоў, якія працуюць у цэнтральнай раённай бальніцы, і наведвальнікаў сацыяльнага кафэ «Сярэбраны ўзрост».

 

Спецыяліст па сацыяльнай рабоце Валянціна Пундзіс заўважыла: сем’і бываюць розныя – вясёлыя і строгія, няпоўныя і шматдзетныя, з вялікім стажам і зусім маладыя. Да ўсіх іх мае дачыненне цудоўнае свята, якое адзначаецца 15 мая – Дзень сям’і.

 
Што важней за ўсё ў сям’і? Цяжка адназначна адказаць на гэтае пытанне. Каханне, узаемапавага, клопат і ўдзел? А можа быць, самадданасць і працавітасць? Ці строгае захаванне сямейных традыцый? У кожнага роду свая гісторыя, якой ахвотна дзяліліся жанчыны-маці, наведвальнікі сацыяльнага кафэ «Сярэбраны ўзрост» і шматдзетныя сем’і нашага горада. У эстафеце пакаленняў сустрэліся мудрасць, гумар, запал, сучасны погляд і шматгадовы вопыт выхавання дзяцей.

 
Пра прыемныя моманты сваёй работы расказала спецыяліст аддзела загса Таццяна Зарудніцкая.
– Як жа гэта кранальна – быць сведкам нараджэння новай сям’і, рэгістраваць нараджэнне дзіцяці!

 
Псіхолаг тэрытарыяльнага цэнтра Зінаіда Равецкая заўважыла, што ў сям’і душа сагрэта цяплом, бліжэй і радней за яе няма ў цэлым свеце.
На мерапрыемстве гучалі мудрыя прытчы, жыццёвыя вершы, шчаслівыя рэцэпты. Іх сэнс адзіны – сям’я павінна быць апорай і надзеяй. Хто падтрымае ў цяжкай сітуацыі, як не родныя людзі?!

 
За чаяпіццем і душэўнай размовай час праляцеў незаўважна. Госці дамовіліся пра новую сустрэчу. Маці васьмярых дзяцей Яўгенія Сямчонак атрымала цёплы падарунак ад раённай арганізацыі Чырвонага Крыжа.

 

Ганна ЛІСКОВА, старшыня раённай арганізацыі Чырвонага Крыжа.

Фота прадаставіла Ганна ЛІСКОВА.

рейтинг: 
Пакінуць каментар
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 25 июня 2021
Андрей, Арсений, Иван, Петр, Степан, Тимофей, Юлиан, Анна, Мария

Именины 24 июня 2021
Мария, Ефрем

Госці краін

free counters
Партнеры сайта