Авторизация
 

Мінуў год як адбылося адкрыццё кафэ «Сярэбраны ўзрост»

 Для наведвальнікаў сацыяльнага кафэ «Сярэбраны ўзрост» 29 снежня – адметная дата ў календары. У гэты дзень у 2020-м адбылося святочнае адкрыццё. Мінуў год – і зноў урачыстасць. З нагоды дня нараджэння. Цёплая кампанія, шчырыя віншаванні, прыемныя падарункі, нязмушаныя зносіны, цікавыя ўспаміны. У такой атмасферы адзначалі свой першы год.


«Сацыяльнае кафэ «Сярэбраны ўзрост» – адна з дзесяці ініцыятыў, што рэалізоўваліся ў рамках праекта «Разам для грамады і прыроды: Міёрскі раён», які фінансуецца Еўрапейскім саюзам. Задумвалася як месца навучання пажылых людзей камп’ютарнай граматнасці. Заяўнікам ініцыятывы выступіла раённая ветэранская арганізацыя. Месца рэалізацыі – аддзяленне дзённага знаходжання для грамадзян пажылога ўзросту і суправаджальнага пражывання ТЦСАН.


– Ішла на заняткі з любоўю і прыемным чаканнем новых сустрэч, – заўважае адна з першых наведвальніц кафэ, колішняя старшыня Дзісненскага гарвыканкама Вольга Мароз. – Калі пераехала з Дзісны ў Міёры, мала каго тут ведала. У кафэ пазнаёмілася з новымі людзьмі. А кожны чалавек – цэлая планета. Разам з навыкамі ў сферы інфармацыйных тэхналогій атрымлівалі шмат рознай карыснай інфармацыі. На сустрэчы прыходзілі банкаўскія работнікі, праваахоўнікі, прадстаўнікі іншых служб. Ладзілі цікавыя паездкі.
На свята Вольга Аляксандраўна прыйшла з падарункамі. Прыемныя сюрпрызы падрыхтавала для загадчыцы аддзялення Ганны Лісковай, спецыяліста па сацыяльнай рабоце Юліі Машара і кіраўніка гурткоў па рукадзеллі Аліны Ляшук. Дарэчы, на заняткі да Аліны Браніславаўны прыходзяць многія з тых, хто займаўся ў кафэ.
– Ініцыятыва разам з навучаннем камп’ютарнай граматнасці дазволіла больш шырока пазнаёміць наведвальнікаў з работай аддзялення для пажылых


людзей, – заўважае Ганна Ліскова. – Рэалізацыя ініцыятывы завершана, а кафэ «Сярэбраны ўзрост» па-ранейшаму чакае наведвальнікаў. Шукаем новыя формы работы. Напрыклад, нашы дзяўчаты жадаюць вучыцца танцам, прадумаем магчымасці. Хтосьці зацікаўлены ў занятках па прафілактыцы дэменцыі. Планую арганізаваць навучанне па аказанні першай дапамогі. Нядаўна сама прайшла вучобу ў гэтым накірунку і гатова дзяліцца ведамі і навыкамі. Разам з тым працягваюцца заняткі па камп’ютарнай граматнасці. Набралі новую групу.
Сярод навічкоў былыя медработнікі Людміла Каралевіч і Ядвіга Цярэшка. Займаюцца з імі дзевяцікласнікі з СШ № 3 імя Героя Савецкага Саюза Я. Томкі Мікіта Грыгор’еў і Дзмітрый Цітовіч. Валанцёры вядуць заняткі другі сезон і лёгка знаходзяць агульную мову са сваімі падапечнымі.


– У нас і дзённікі ёсць, і сшыткі для лабараторных работ, і дамашнія заданні нам задаюць, і адзнакі ставяць, – ба- дзёра расказвае Людміла Станіславаўна. – Вельмі ўдзячны хлопчыкам за работу. Да іх, як да сапраўдных настаўнікаў, звяртаемся па імені і імені па-бацьку. У сферы інфармацыйных тэхналогій мы наўрад ці будзем асамі, аднак атрымліваем шмат патрэбных практычных навыкаў.
Сацыяльнае кафэ «Сярэбраны ўзрост» аб’яднала людзей розных статусаў, прафесій, поглядаў. Цяпер у актыве 67 наведвальнікаў, у тым ліку жыхары Дзісны. Заняткі арганізоў- ваюць па невялікіх групах. Прыходзяць сюды вучыцца новаму, развівацца, атрымліваць асалоду ад зносін, што адбываюцца на пазітыве і на роўных.


– Паглядзіце на падваконнікі: як кветкі сярод зімы красуюць. Ужо адно гэта сведчыць пра добрую атмасферу ў кафэ, – заўважыла сакратар раённага савета ветэранаў Зоя Родзіна і з усмешкай дадала: – Пачынаць ініцыятыву было страшна. Уявіце толькі – 10 000 еўра на рэалізацыю атрымалі. Якая гэта адказнасць! Начамі не спала, перажывала, як справа пойдзе. Аднак ніякіх сур’ёзных праблем не ўзнікла. Разам з тэрытарыяльным цэнтрам працавалі зладжана, дружна, аператыўна. І вынік радуе.
Павіншаваў кафэ з паспяховым і эфектным годам кіраўнік раённай ветэранскай арганізацыі Часлаў Кашкур. Далейшага развіцця і новых яркіх сустрэч жадала наведвальнікам дырэктар ТЦСАН Алена Шамёнак.
Дзень нараджэння кафэ «Сярэбраны ўзрост» адзначылі весела і цёпла. Наперадзе чакаюць новыя сустрэчы, спробы і поспехі.


Кацярына РЫНКЕВІЧ

Фотаматэрыял аўтара

рейтинг: 
Пакінуць каментар
иконка
Посетители, находящиеся в группе Гости, не могут оставлять комментарии к данной публикации.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 30 января 2022
Антон, Виктор, Георгий, Иван, Павел, Савелий, Антонина

Именины 29 января 2022
Иван, Максим, Петр, Неонила

Госці краін

free counters
Партнеры сайта