Авторизация
 

Прыёмнае бацькоўства – не подзвіг, а бясконцая любоў і праца

 З дзяцінства і да апошніх дзён мы нясём у душы адзіны і непаўторны вобраз самага роднага чалавека. Маці ўсё зразумее, даруе, заўсёды пашкадуе і будзе аддана любіць нягледзячы ні на што. Мама – гэта цэлы Сусвет. На жаль, не ўсе дзеці маюць магчымасць жыць у сваіх родных сем’ях. Ці можа хтосьці замяніць маму?

 

Неаднаразова на старонках нашай раённай газеты з'яўляліся нататкі пра жанчын, якія выхоўваюць сірот і дзяцей, якія засталіся без апекі бацькоў, сталі прыёмнымі мамамі. Гэтыя жанчыны асаблівыя. У свае сем'і з правіламі, традыцыямі, сеткай узаемаадносін яны прымаюць складаных дзяцей, пакінутых роднымі, траўміраваных падзеямі жыцця, зраненых здрадай і наступствамі кепскага догляду.

 
Раіса Кулянок з вёскі Восцевічы – яскравы прыклад чалавека, які не змог абыякава ставіцца да лёсу дзяцей-сірот. За свой вялікі стаж у якасці прыёмнай сям’і – з 2011 года – сям’я Раісы Пятроўны і Сяргея Аляксандравіча выпусціла ў самастойнае жыццё брата і сястру Клімоўскіх, узяла на выхаванне сямігадовую Жэню і дзесяцігадовага Рамана. Двое родных сыноў таксама ўжо дарослыя.

 
Ці ўсё ідэальна ў гэтай сям'і? Вядома, не. Як і ва ўсіх: свае перамогі, праблемы. Але іх аб'ядноўвае адна важная ўласцівасць: яны не шукаюць вінаватых. Сустрэўшыся з праблемай, аб'ядноўваюць усе свае сілы і вырашаюць яе разам. Не дзеляць дзяцей на сваіх і чужых. А як інакш: уклаўшы частку душы, адмовіцца ад іх ужо не зможаш. Яны ж называюць мама і тата, давяраюць свае перажыванні, дзеляцца самым патаемным.

 
Раіса Пятроўна ўласным прыкладам даказала, што прыёмнае бацькоўства – не подзвіг, а бясконцая любоў і праца.
– Усе дзеці трапляюць да нас са сваім «багажом» – уяўленнямі пра жыццё. Ім даводзіцца падладжвацца пад нас, а нам пад іх, каб выправіць сітуацыю, – тлума- чыць Раіса Пятроўна. – Гэты «багаж» трэба выгрузіць і напоўніць чымсьці карысным. Усе дзеці розныя. Але мы стараемся знайсці падыход да кожнага. Іх трэба вучыць любові, дабрыні, самастойнасці, працавітасці, адказнасці, спагадлівасці. Пастаянна даводзіцца прамаўляць, што мы – адна сям'я і павінны дапамагаць адзін аднаму. У пераходным узросце ў дзяцей звычайна шмат пытанняў, звязаных з выбарам прафесіі. Дапамагаем вызначыцца ў жыцці і паступова ўваходзім у давер. Калі дзіця адчувае, што ты хочаш яму толькі дабра, яно само да цябе цягнецца.

 
Выхаванцы Марыя і Мікалай вучацца ў іншых гарадах, але не забываюць пра сваю сям’ю. На ўсе выхадныя, канікулы прыязджаюць да прыёмных бацькоў. Прыемна чуць словы падзякі не толькі ад іх, але і ад выкладчыкаў Марыі. Яны неаднаразова адзначалі, што дзяўчына вельмі самастойная, умее арганізаваць свой быт. Ёсць чаму павучыцца аднакурснікам. Да таго ж брат і сястра заўсёды прыходзяць на дапамогу сваім таварышам. Усяму неабходнаму ў жыцці іх навучыла прыёмная мама. Добразычлівая, спагадлівая, працавітая – на ёй трымаецца многае ў сям’і, яе любяць і паважаюць. Раіса Пятроўна не толькі адчыніла для дзяцей цэлы свет, але і сама стала Сусветам.

 
Хочацца пажадаць усім матулям радасці, здароўя і шчасця. Хай гучаць у вашым жыцці толькі цёплыя словы, хай шэрасць не закранае вашы будні і кожны дзень будзе выдатным. Няхай дзеці радуюць вас візітамі, часцей тэлефануюць і клапоцяцца пра вас. Жадаем мора ўсмешак, натхнення і цярпення, бо без яго нялёгка несці ганаровае званне «Мама». Беражыце сябе і будзьце шчаслівыя!

 
Анжаліка БАНЬКОЎСКАЯ, загадчык аддзела Міёрскага раённага СПЦ.

рейтинг: 
Пакінуць каментар
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 521
  • 0

Злавілі рыбку, ды… залатую

  • 28 февраль 2011, 16:16
  • 92 635
  • 0

Інвестыцыйны форум

  • 23 сентябрь 2011, 10:05
  • 90 029
  • 1

  • 11 февраль 2011, 11:20
  • 43 133
  • 0

Пераброддзе 2012. Погляд вучонага

  • 31 август 2012, 15:19
  • 42 662
  • 0

Кандыдатамі жадаюць стаць

  • 21 август 2012, 15:30
  • 36 707
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 813
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 21 октября 2020
Василий, Виктор, Владимир, Дмитрий, Иван, Николай, Павел, Петр, Елизавета, Мария, Надежда, Пелагея, Таисия, Татьяна

Именины 20 октября 2020
Иосиф, Леонтий, Марк, Николай, Сергей, Юлиан, Пелагея

Госці краін

free counters
Партнеры сайта