Авторизация
 

Ветэранская арганізацыя пры ўпраўленні сельскай гаспадаркі сустракалася ў Міёрах

 Нядаўна ўтворана пярвічная ветэранская арганізацыя пры ўпраўленні сельскай гаспадаркі і харчавання райвыканкама, у якую ўліліся былыя работнікі іншых раённых арганізацый і ўстаноў аграрнага напрамку.

Яны абралі сваім кіраўніком чалавека няўрымслівага, які бачыць сваю задачу ў тым, каб ветэраны працы не адчувалі адзіноту, сустракаліся з былымі калегамі, прадаўжалі актыўна ўдзельнічаць у грамадскім жыцці.  За непрацяглы перыяд сабраліся ў трэці раз. У тэрытарыяльным цэнтры сацыяльнага абслугоўвання насельніцтва ўшанавалі юбіляраў за салодкім сталом.

Старшыня пярвічкі Пётр Пятроў падзяліўся з калегамі планамі на будучыню па арганізацыі наступных сустрэч, паездак, экскурсій. Дырэктар ТЦСАН Алена Шамёнак расказала пра дзейнасць установы і тыя магчымасці, якія яна прадастаўляе ветэранам працы. У Дзісне існуе даўно, а ў Міёрах нядаўна адкрыта аддзяленне дзённага знаходжання для людзей, якія хочуць асвоіць новыя для сябе напрамкі дзейнасці або здольны нечаму карыснаму навучыць іншых. Тут жа адбыўся майстар-клас па вырабе дэкаратыўнай елачкі з папяровых трубачак.
Былыя калегі сардэчна павіншавалі з днём нараджэння Раісу Скурат. Чарговую гадавіну Раіса Анатольеўна адзначыла 24 снежня.

Нарадзілася яна на Браслаўшчыне ў сялянскай сям'і. З дыпломам агранома пасля Смальянскага сельгастэхнікума працавала ў гаспадарках Пліскага і Глыбоцкага раёнаў. З мужам Аляксеем Яўгенавічам, якога пасля ветінстытута накіравалі начальнікам ветлабараторыі, прыехала на Міёршчыну. Тут давялося быць аграметэаролагам, узначальваць кантрольна-насенную лабараторыю і інспекцыю па насенняводстве, каранціне і абароне раслін. Установы пад яе кіраўніцтвам лічыліся лепшымі ў вобласці. У 60 гадоў перайшла на больш спакойны ўчастак работы. У памяці былых калег засталася як адукаваны спецыяліст, умелы кіраўнік, камунікабельны чалавек. Пасля смерці мужа дапамагае расціць унукаў сыну і нявестцы. Актыўная дачніца і агародніца, займаецца пладовымі дрэвамі і кустамі, парнікамі і градкамі, кветкамі ў двары і парадкам у доме.


Шмат добрых слоў выказалі былому дырэктару райплемстанцыі Ганне Чапулёнак. Ганна Нікадзімаўна нарадзілася на Каляды ў вёсцы Чыжоўшчына Новапагосцкага сельсавета. Вучылася ў Кублішчынскай і Новапагосцкай школах. Спецыялістам жывёлагадоўлі стала ў Лужаснянскім сельгастэхнікуме і Віцебскім ветінстытуце. Пачынала самастойны працоўны шлях заатэхнікам-селекцыянерам у райплемстанцыі, а потым узначаліла гэтую арганізацыю, якая базіравалася ў Дубашынскім Двары і лічылася адной з лепшых на Віцебшчыне. У яе склад уваходзілі кааператыў па штучным асемяненні сельгасжывёлы, кармавая і малочная лабараторыі, штат спецыялістаў — усяго 32 чалавекі і адпаведная тэхніка. Двойчы на дні наведвалі 52 малочнатаварныя фермы, дзе ўтрымлівалася больш за 6 тысяч кароў. Пасля дасягнення пенсіённага ўзросту яшчэ пяць гадоў працавала заатэхнікам-селекцыянерам.


Для гэтых старанных працаўніц, выдатных жанчын спявалі Дзіяна Маляўка і Аляксандра Пашкоўская. Замілаванне ў бабуляў і дзядуляў выклікалі таленты ў спевах, танцах і дэкламацыі маленькай Насценькі Шокель, якая суправаджала сваю бабулю Таццяну Пучкоўскую, таксама колішняга спецыяліста і адказнага работніка жывёлагадоўлі.


Пажаданні плённай працы выказала ветэранскай пярвічнай арганізацыі райсельгасхарчу Алена Кавалёнак.
Цікаваму і карыснаму адпачынку ветэранаў у сценах ТЦСАН садзейнічалі сцэнарый і ўмелае вядзенне мерапрыемства Вольгай Пашкоўскай. 

Фота аўтара.

Леанід МАТЭЛЕНАК.

скачать dle 11.3
рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Вконтакте
  • Facebook
  • OK
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 82 932
  • 0

Інвестыцыйны форум

  • 23 сентябрь 2011, 10:05
  • 47 590
  • 1

Кандыдатамі жадаюць стаць

  • 21 август 2012, 15:30
  • 21 028
  • 0

Пераброддзе 2012. Погляд вучонага

  • 31 август 2012, 15:19
  • 20 226
  • 0

  • 11 февраль 2011, 11:20
  • 19 102
  • 0

Злавілі рыбку, ды… залатую

  • 28 февраль 2011, 16:16
  • 18 215
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 11 070
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 25 января 2018
Галактион, Илья, Макар, Петр, Татьяна

Именины 24 января 2018
Виталий, Владимир, Иосиф, Михаил, Николай, Степан, Терентий, Федор

Госці краін
free counters
Партнеры сайта