Авторизация
 

Музычна-літаратурная гасцёўня ў Міёрскім ТЦСАН прысвячалася

 Дню пажылых людзей прысвячалася музычна-літаратурная гасцёўня ў тэрытарыяльным цэнтры сацыяльнага абслугоўвання насельніцтва, праведзеная па ініцыятыве раённага Савета ветэранаў для старшынь пярвічных калектываў і актыву. Яе тэма "Дарога ў восень. Залаты ўзрост". Вядучая — загадчык аддзялення дзённага знаходжання Святлана Рынкевіч — прапанавала ўдзельнікам для настрою паглядзець відэаролік "Каханне і восень". А затым і сама Восень завітала ў залу з падарункамі, пажаданнямі не сумаваць, не хварэць, радавацца яркаму ранішняму сонцу, светламу дню, любому надвор'ю…

Словы падзякі за пазітыўны настрой ветэранскаму актыву выказала старшыня раённага Савета дэпутатаў Марыя Баніфатава. Так, у гэтых людзей залаты ўзрост. Усё, што мы маем, створана намаганнямі старэйшых пакаленняў на карысць чалавека на працягу дзесяцігоддзяў напружанай працы. Цяперашнія ветэраны пераважна на заслужаным адпачынку, аднак удзельнічаюць у грамадскіх справах, падтрымліваюць свае сем'і. І маюць цвёрдыя перакананні, займаюць трывалыя і актыўныя пазіцыі. Кожнаму і пра кожнага ёсць што сказаць. Нядаўна ўзначаліла ветэранскую пярвічку ААТ "Узмёнскі край" Святлана Пачопка і арганізавала для сваіх падшэфных такі вечар адпачынку, весткі пра які дакаціліся пазітыўным рэхам да райцэнтра.


Марыя Мікалаеўна падкрэсліла, што такі арыенцір і накірунак ветэранскай арганізацыі вызначае яе кіраўнік Часлаў Кашкур.
— Сёння дзень па-восеньску халодны, а вось гэтая сустрэча аказалася вельмі цёплай, — прадоўжыла размову намеснік начальніка аддзела ідэалагічнай работы, культуры і па справах моладзі райвыканкама Аксана Ашурка. — Нядаўняя спартакіяда паказала, што ветэранам энергіі не займаць. Кожны пакінуў след у развіцці вытворчасці і жыцці Міёршчыны, працягвае дэманстраваць свае здольнасці і ўменні. Аксана Васільеўна пажадала ўсім захаваць у сэрцах ранейшыя надзею і любоў.


Часлаў Кашкур коратка падвёў вынікі мінулага года, аднаго з 30 у гісторыі раённай ветэранскай арганізацыі. У ім праведзены юбілейныя мерапрыемствы — "круглы стол" у бібліятэцы і ўрачысты пленум у РДК; сустрэча дзяцей вайны і мірнага часу; паездкі ў Дзісенскае аддзяленне кругласутачнага знаходжання, да калег у Расоны, на спартакіяду ў Верхнядзвінск, на ўрачыстасці на Курган Дружбы. Наведалі мясцовых ветэранаў дома, павіншавалі юбіляраў, прынялі ўдзел у мітынгах і іншых мерапрыемствах. Важнай вехай стала першая ветэранская спартакіяда.


Нямала задум і планаў на будучыню, адбываецца абнаўленне кіраўнікоў пярвічак, узначальваюць іх ініцыятыўныя і актыўныя людзі. У іх ліку і Вольга Кукуць — старшыня ветэранскай арганізацыі мясакамбіната. Яе дружна павіншавалі з юбілеем.


Часлаў Станіслававіч выказаў падзяку спонсарам, у ліку якіх раённыя структуры ГА "Белая Русь" і Беларускага фонду міру, УП ЖКГ, меліярацыйныя і гандлёвыя арганізацыі, прамысловыя і сельскагаспадарчыя прадпрыемствы, індывідуальныя прадпрымальнікі.
Удзельнікі гасцёўні, нягледзячы на свой залаты ўзрост, былі актыўнымі ў розных конкурсах. Мікалай Каранкевіч адзначыў, што хваліцца перад праўнукамі медалём, што нядаўна заваяваў у спартакіядзе. Валянціна Атрошка падкрэсліла: удзельнікаў мерапрыемства аб'ядноў-вае не ўзрост, а час, у якім жывём. І ў кожнага хапае намаганняў, каб рабіць яго лепшым для лю-дзей. У якасці прыкладу яна назвала таго ж Мікалая Каранкевіча, які быў назіральнікам ад ветэранскай арганізацыі на нядаўніх выбарах і нямала зрабіў, каб яны прайшлі на яе выбарчым участку арганізавана і аптымістычна. Мікалаю Мікалаевічу 75, і ён прыклад не толькі для моладзі.


Удзячныя водгукі прагучалі ў адказ на музычнае прывітанне ад ветэранаў Дзісны, падоранае Ядвігай Ганебнай і яе творчымі калегамі. Музычна-літаратурнай гасцёўня названа невыпадкова. Свае любімыя вершы прачыталі Ірына Гушча, Алена Фёдарава і Рэгіна Аланцьева, цудоўна зарыфмавала ўражанні пра восеньскі лес Зоя Родзіна. Уладзімір Лапкоўскі пры падтрымцы баяніста Сцяпана Забэлы нагадаў любімыя песні мінулых гадоў, памятныя і для іншых. Галіна Курыльчык падзялілася рэцэптам заліўнога фаршыраванага шчупака, а Аксана Ашурка — торта. Стравы і выпечка запомніліся прыгожым выглядам і цудоўным смакам.
Адным словам, гасцёўня атрымалася. У гэтым заслуга як арганізатараў, так і ўдзельнікаў. 

Фота аўтара.

Леанід МАТЭЛЕНАК.

рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Вконтакте
  • Facebook
  • OK
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 83 548
  • 0

Інвестыцыйны форум

  • 23 сентябрь 2011, 10:05
  • 49 772
  • 1

Кандыдатамі жадаюць стаць

  • 21 август 2012, 15:30
  • 21 918
  • 0

Пераброддзе 2012. Погляд вучонага

  • 31 август 2012, 15:19
  • 21 241
  • 0

  • 11 февраль 2011, 11:20
  • 20 123
  • 0

Злавілі рыбку, ды… залатую

  • 28 февраль 2011, 16:16
  • 18 867
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 11 664
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 25 февраля 2018
Алексей, Антон, Евгений, Мария

Именины 24 февраля 2018
Всеволод, Гавриил, Георгий, Дмитрий, Захар, Порфирий

Госці краін
free counters
Партнеры сайта