Авторизация
 

Падпісаны Дырэктывы №6 і №7

 Развіццё аграрнай галіны
Аляксандр Лукашэнка падпісаў Дырэктыву №6 “Аб развіцці вёскі і павышэнні эфектыўнасці аграрнай галіны”. Асноўныя палажэнні прадугледжваюць устойлівае развіццё і функцыянаванне аграпрамысловага комплексу, рынку сельскагаспадарчай прадукцыі і прадуктаў харчавання, сельскай мясцовасці, занятасці вяскоўцаў і павышэння ўзроўню іх жыцця.

Рост аб'ёмаў прадукцыі жывёлагадоўлі і ўзроўню заработнай платы, падрыхтоўка кадраў стануць прыярытэтамі развіцця аграрнай галіны. Пра гэта паведаміла намеснік міністра сельскай гаспадаркі і харчавання Ала Ламакіна.


“Дырэктыва — канцэптуальны дакумент, які вызначае стратэгію развіцця аграпрамысловага комплексу на бліжэйшую перспектыву. У ёй замацаваны ўжо дасягнутыя АПК вынікі. Сёння мы прымаем як належнае адсутнасць праблем з прадуктамі харчавання, шырокі асартымент тавараў у магазінах, нікога не здзіўляе рост экспарту. Харчовая бяспека ў нас забяспечана з 2010 года, а па выніках 2018-га мы паставілі сваю прадукцыю ў 95 краін на суму больш за $5 млрд. Дырэктыва вызначыла асноўныя напрамкі далейшага ўстойлівага развіцця аграрнай вытворчасці і перш за ўсё сельскіх тэрыторый, таму што гэта аснова сацыяльнай стабільнасці грамадства, аснова даходаў сельскага насельніцтва”.


У якасці аднаго з напрамкаў развіцця аграрнай галіны Дырэктывай замацавана дасягненне эканамічна мэтазгодных аб'ёмаў вытворчасці. Яны вызначаны зыходзячы з прыроднага патэнцыялу, вытворчых магутнасцей і тэхналагічных рэзерваў. Пры выкананні заданняў да канца 2020 года аб'ёмы вытворчасці малака ў краіне павінны дасягнуць 9 мільёнаў тон у год, прадукцыі жывёла- і птушкагадоўлі — 1,8 млн т.


Таксама павінен быць забяспечаны рост прадукцыйнасці працы ў сельскай гаспадарцы на 40 працэнтаў. “Для вырашэння ўсіх стратэгічных задач неабходна развіццё кадравага патэнцыялу. Таму падрыхтоўка высокакваліфікаваных кадраў для аграрнай галіны з'яўляецца адным з ключавых напрамкаў, вызначаных Дырэктывай”, — адзначыла намеснік міністра.


Узровень заработнай платы ў галіне да канца 2020 года павінен быць забяспечаны не ніжэй за ўзровень, што складваецца ў сярэднім у эканоміцы.


Пра кошт жылля, гарады-спадарожнікі і кадры
Прэзідэнт Беларусі падпісаў Дырэктыву №8 “Аб прыярытэтных напрамках развіцця будаўнічай галіны”, у якой выкладзены рашэнні, прынятыя 23 лістапада 2018 года на рэспубліканскім семінары-нарадзе.


У дакуменце таксама змешчаны пастаўленыя кіраўніком дзяржавы задачы па ліквідацыі існуючых у галіне праблем і павышэнні яе эфектыўнасці. Яны патрабуюць захавання нарматыўных тэрмінаў будаўніцтва аб'ектаў, у тым ліку жылых дамоў, падтрымання сярэдняга кошту квадратнага метра жылля, што будуецца з дзяржпадтрымкай, у памеры, які не перавышае сярэднямесячную заработную плату, зніжэння да аднаго года тэрміну забеспячэння шматдзетных сем'яў жыллём.


Рашэнні, выкладзеныя ў Дырэктыве, будуць садзейнічаць развіццю гарадоў-спадарожнікаў, павелічэнню аб'ёмаў будаўніцтва арэнднага жылля, павышэнню якасці і скарачэнню тэрмінаў падрыхтоўкі праектнай дакументацыі, устойліваму развіццю і росту эфектыўнасці арганізацый будаўнічага комплексу, павышэнню іх канкурэнтаздольнасці на ўнутраным і знешніх рынках.


Сістэмная рэалізацыя прынятых рашэнняў дасць магчымасць будаўнічай галіне выйсці на якасна новы ўзровень развіцця, забяспечыць патрэбы нацыянальнай эканомікі ў высокаэфектыўнай будаўнічай прадукцыі і насельніцтва якасным і даступным жыллём. Будуць скарочаны тэрміны і кошт будаўніцтва, зніжана матэрыяла- і энергаёмістасць, павышаны якасць і канкурэнтаздольнасць прадукцыі, а таксама нарошчаны экспартны патэнцыял.


Забеспячэнне жыллём шматдзетных сем'яў, удасканаленне дзяржрэгулявання, апераджальнае будаўніцтва інжынернай інфраструктуры стануць прыярытэтамі развіцця будаўнічай галіны, паведамілі ў Мінбудархітэктуры, каменціруючы Дырэктыву №8.


Будзе ўдасканалена сістэма дзяржаўнага рэгулявання будаўнічага комплексу. Міністэрства архітэктуры і будаўніцтва надзеляць паўнамоцтвамі на стварэнне тэхнічных нарматываў у будаўніцтве з адначасовым абмежаваннем паўнамоцтваў іншых дзяржорганаў у рэгуляванні будаўнічай дзейнасці.


Прадугледжана таксама неабход- насць забяспечыць на ўсіх этапах будаўнічай дзейнасці далейшае скарачэнне колькасці і тэрмінаў адміністрацыйных працэдур з максімальным укараненнем прынцыпу “аднаго акна”.


Яшчэ адна мэта — апераджальнае будаўніцтва інжынернай інфраструктуры. Такая норма ўжо ўстаноўлена заканадаўствам, але дырэктывай прадугледжваецца магчымасць будаўніцтва інфраструктуры не толькі за кошт бюджэту, але і за кошт забудоўшчыка пры комплексным асваенні зямельнага ўчастка, а таксама за кошт арганізацыі, якая будзе эксплуатаваць сеткі.


Кіраўнік дзяржавы даручыў выключыць з'яўленне ў Беларусі даўгабудаў, зыходзячы з гэтага прадугледжана неабходнасць узмацніць кантроль за выкананнем нарматыўных тэрмінаў будаўніцтва пры ўзвядзенні шматкватэрных жылых дамоў.

Дырэктыва аб развіцці ЖКГ
Прэзідэнт Беларусі падпісаў Дырэктыву №7 "Аб удасканаленні і развіцці жыллёва-камунальнай гаспадаркі краіны".
Асноўнымі мэтамі, што вызначаюць перспектыўныя напрамкі развіцця галіны, з'яўляюцца павышэнне якасці паслуг і правядзенне справядлівай тарыфнай палітыкі, аказанне дзяржаўнай падтрымкі малазабяспечаным і сацыяльна слабаабароненым катэгорыям грамадзян, удасканаленне работы з насельніцтвам, развіццё механізмаў грамадскага кантролю ў сферы ЖКГ, стымуляванне грамадзян да ўдзелу ў рэалізацыі энергаэфектыўных мерапрыемстваў у жыллёвым фондзе, шырокае ўключэнне насельніцтва ў работу па добраўпарадкаванні тэрыторый населеных пунктаў.


Дырэктыва таксама накіравана на ўдасканаленне абыходжання з камунальнымі адходамі.
Комплекснае вырашэнне пастаўленых задач дасць магчымасць выйсці на якасна новы ўзровень прадастаўлення жыллёва-камунальных паслуг і работы з насельніцтвам, забяспечыць павышэнне камфортнасці ўмоў пражывання, стварыць умовы для павышэння эфектыўнасці арганізацый жыллёва-камунальнай гаспадаркі, устойлівага развіцця аб'ектаў камунальнай інфраструктуры, удасканалення структуры кіравання ЖКГ і павысіць узровень прафесійнай падрыхтоўкі кадраў для галіны.


У 2020 годзе плануецца дасягнуць уводу 3,6 млн. кв.м агульнай плошчы жылых дамоў пасля капітальнага рамонту і павялічыць да 25 працэнтаў узровень выкарыстання цвёрдых камунальных адходаў. У 2025 годзе плануецца забяспечыць 100 працэнтаў спажыўцоў якаснай пітной вадой. 

рейтинг: 
Пакінуць каментар
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 95 956
  • 0

Інвестыцыйны форум

  • 23 сентябрь 2011, 10:05
  • 75 614
  • 1

Злавілі рыбку, ды… залатую

  • 28 февраль 2011, 16:16
  • 45 995
  • 0

Пераброддзе 2012. Погляд вучонага

  • 31 август 2012, 15:19
  • 38 559
  • 0

  • 11 февраль 2011, 11:20
  • 37 275
  • 0

Кандыдатамі жадаюць стаць

  • 21 август 2012, 15:30
  • 34 805
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 23 786
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 23 марта 2019
Виктор, Георгий, Денис, Дмитрий, Иван, Леонид, Марк, Михаил, Павел, Федор, Анастасия, Василиса, Галина, Ника

Именины 22 марта 2019
Александр, Алексей, Валерий, Дмитрий, Иван, Ираклий, Кирилл, Леонтий, Михаил, Николай, Петр, Сергей, Тарас, Александра, Наталья, Афанасий

Госці краін
free counters
Партнеры сайта