Авторизация
 

Сацыяльнай службе Беларусі — 100 год

 Ідэя абароны і дапамогі людзям, у першую чаргу дзецям і пажылых, з’явілася ў далёкія часы. Пераломнымі ў падыходах да праблем сацыяльнай дапамогі і падтрымкі ў Беларусі сталі першыя гады пасля Кастрычніцкай рэвалюцыі. Сучасная мадэль дзяржаўнай сацыяльнай падтрымкі забяспечвае высокую ступень удзелу дзяржавы ў вызначэнні накірункаў, планаванні, фінансаванні і ажыццяўленні сацыяльнай палітыкі.

Старонкі гісторыі

5 студзеня 1919 года пастановай Часовага рабоча-сялянскага ўрада Беларусі ўтвораны Камісарыят сацыяльнага забеспячэння.

У структуры Камісарыята сацыяльнага забеспячэння выразна адлюстроўваліся асноўныя накірункі дзейнасці: аддзел пенсій, аддзел аховы мацярынства і дзяцінства, аддзел дзіцячых дамоў, аддзел пайка і дапамог, аддзел інвалідных дамоў і ахвяр контррэвалюцыі, а так сама юрыдычны, інфармацыйна-інструктарскі, гаспадарча-фінансавы аддзелы.


Таксама ў 1919 годзе ўтвораны Камісарыят працы. Займаліся пытаннямі аховы працы, працоўнай павіннасці, вырашалі канфлікты працадаўцы і работнікаў.


У канцы 20-х гадоў з дзяржаўнага бюджэту сталі выплочваць пенсіі ў выпадку страты чалавекам працаздольнасці з-за хваробы, калецтва і старасці.


У 1928 годзе ўстанавілі самы нізкі ў свеце ўзрост, які даваў права выйсці на пенсію: для мужчын — 60 год, для жанчын — 55. Праз два гады прынялі рашэнне аб датэрміновым выхадзе на пенсію асоб, занятых на падземных работах і вытворчасцях са шкоднымі ўмовамі працы.
Важны крок у рэалізацыі прынцыпа ўсе- агульнага пенсіённага забеспячэння зрабілі ў 1956 годзе — прынялі Закон СССР “Аб дзяржаўных пенсіях”. У 1964-м уступіў у сілу Закон “Аб пенсіях і дапамогах членам калгасаў”.


З сярэдзіны 90-х гадоў у Беларусі пачынае актыўна фарміравацца заканадаўства, якое забяспечвае правы і гарантыі сацыяльна неабароненых катэгорый грамадзян, укараняюцца інавацыйныя формы сацыяльнага абслугоўвання.

Дзень сённяшні
Упраўленне па працы, занятасці і сацыяльнай абароне Міёрскага райвыканкама ўключае аддзелы пенсіённага забеспячэння і сацыяльнай падтрымкі насельніцтва, занятасці і сацыяльна-працоўных адносін, групу бухгалтарскага ўліку і справаздачнасці, тэрытарыяльны цэнтр сацыяльнага абслугоўвання насельніцтва.


Па стане на 1 студзеня 2019 года, на ўліку ў аддзеле пенсіённага забеспячэння і сацыяльнай падтрымкі 6 тысяч 953 чалавекі, якія атрымліваюць пенсіі. Дадатковая мера падтрымкі сем’яў з дзецьмі — сямейны капітал. У мінулым годзе яго прызначылі сарака шматдзетным сем’ям.


У ліку задач аддзела занятасці і сацыяльна-працоўных адносін — каардынацыя і кантроль работы па своечасовай выплаце заробку, дапамог сем’ям з дзецьмі, улік грамадзян, якія звяртаюцца па пытаннях працаўладкавання, рэгістрацыя беспрацоўных і іншыя. За мінулы год паспрыялі ў працаўладкаванні 177 грамадзянам, з якіх 51 беспрацоўны.


Тэрытарыяльны цэнтр сацыяльнага абслугоўвання насельніцтва дзейнічае з 10 студзеня 2002 года. На ўліку ва ўстанове 5 тысяч 963 чалавекі пажылога ўзросту. З іх 647 інвалідаў, 545 адзінокіх пажылых лю-дзей, 10 ветэранаў Вялікай Айчыннай вайны і 15 пацярпелых ад наступстваў войн.


Надзейны фундамент цэнтра — аддзяленне сацыяльнай дапамогі на даму, створанае ў 1988 годзе. Цяпер 72 сацыяльныя работнікі абслугоўваюць 526 пажылых. Запатрабаваныя паслугі сядзелкі. Калі ў 2017-м годзе іх аказвалі пяці грамадзянам, то ў 2018-м — дванаццаці. Дзве сям’і карыстаюцца паслугамі няні. З 1 кастрычніка мінулага года адзінокаму пажылому чалавеку аказваюцца паслугі ў форме сацыяльнага абслугоўвання ў замяшчальнай сям’і.


З 2004 года дзейнічае аддзяленне кругласутачнага знаходжання для грамадзян пажылога ўзросту ў Дзісне. Паслугі ў форме паўстацыянарнага сацыяльнага абслугоўвання з 2008 года аказвае аддзяленне дзённага знаходжання для інвалідаў, з 2016-га — аддзяленне дзённага знаходжання для грамадзян пажылога ўзросту і суправаджальнага пражывання. Арганізоўваюць вольны час праз заняткі па інтарэсах, гуртковую і клубную дзейнасць, культурна-масавыя, прафілактычныя і спартыўныя мерапрыемствы, папулярызацыю здаровага ладу жыцця. Інваліды першай і другой груп штогод праходзяць адаптацыю да працоўнай дзейнасці.


Для аказання матэрыяльнай падтрымкі дзейнічае механізм дзяржаўнай адраснай сацыяльнай дапамогі. Яе атрымліваюць малазабяспечаныя грамадзяне і сем’і. У 2018 годзе за такой дапамогай звярнуліся 628 чалавек.


Пералік паслуг для сацыяльна неабароненых катэгорый грамадзян пастаянна карэкціруецца і ўдасканальваецца.

Фота з інтэрнэта.
Вячаслаў БЯЛЬКО,

начальнік упраўлення па працы,
занятасці і сацыяльнай
абароне райвыканкама.

 З нагоды свята

Паважаныя калегі, ветэраны працы, работнікі сістэмы сацыяльнай абароны Міёрскага раёна!

Ад усёй душы віншуем вас з Днём работніка сацыяльнай абароны.
За словазлучэннем “сацыяльны работнік” стаяць высокія чалавечыя якасці: міласэрнасць і чуласць, цярплівасць

і імкненне аблегчыць жыццё сваім падапечным, прыўнесці ў іх дні сардэчную цеплыню і радасць.
Здароўя і дабрабыту вам і вашым сем’ям, любові і міру, дастатку і цеплыні вашым дамам, цярплівасці, аптымізму!
Алена ШАМЁНАК, дырэктар
ДУСА “Тэрытарыяльны цэнтр
сацыяльнага асблугоўвання насельніцтва
Міёрскага раёна”.

рейтинг: 
Пакінуць каментар
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 95 522
  • 0

Інвестыцыйны форум

  • 23 сентябрь 2011, 10:05
  • 73 974
  • 1

Злавілі рыбку, ды… залатую

  • 28 февраль 2011, 16:16
  • 41 820
  • 0

Пераброддзе 2012. Погляд вучонага

  • 31 август 2012, 15:19
  • 37 847
  • 0

  • 11 февраль 2011, 11:20
  • 36 568
  • 0

Кандыдатамі жадаюць стаць

  • 21 август 2012, 15:30
  • 34 491
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 23 476
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 17 февраля 2019
Александр, Алексей, Андрей, Аркадий, Борис, Василий, Георгий, Дмитрий, Иван, Иосиф, Кирилл, Михаил, Николай, Петр, Сергей, Федор, Юрий, Анна, Екатерина

Именины 16 февраля 2019
Адриан, Василий, Владимир, Иван, Михаил, Николай, Павел, Роман, Тимофей, Анна, Семен

Госці краін
free counters
Партнеры сайта