Авторизация
 

Міёрскі міжраённы аддзел Дзяржаўнага камітэта судовых экспертыз адзначае прафесійную дату

 Згодна з указам Прэзідэнта ад 12.03.2018 года, дата 22 красавіка вызначана прафесійным святам — Днём судовага эксперта. Пяць год таму ў гэты дзень быў падпісаны Указ “Аб утварэнні Дзяржаўнага камітэта судовых экспертыз Рэспублікі Беларусь”.

 Работа ў судовых экспертаў асаблівая. Маюць справу з тым, ад чаго многія страчваюць прытомнасць. Працуюць на месцах злачынстваў, дапамагаюць вызначыць абставіны і выйсці на след зламыснікаў, устанаўліваюць прычыны смерці людзей, вывучаюць пабоі і раны на целе жывых. Ад заключэння экспертаў у многім залежыць, якое пакаранне панясе злачынца.

Важкае слова эксперта

СТРУКТУРНАЕ падраздзяленне Дзяржаўнага камітэта судовых экспертыз (ДКСЭ) — Міёрскі міжраённы аддзел. Дзейнічае на тэрыторыі Міёрскага і Верхнядзвінскага раёнаў і складаецца з двух экспертна-крыміналістычных і двух сектараў судова-медыцынскіх экспертыз.
Чым займаюцца спецыялісты аддзела. Па пастановах з мясцовых падраздзяленняў Следчага камітэта або раённых аддзелаў унутраных спраў, па вызначэнні суда праводзяць судова-медыцынскія і крыміналістычныя экспертызы. На платнай аснове — па зваротах грамадзян, індывідуальных прадпрымальнікаў, юрыдычных асоб. Ажыццяўляюць нагляд за якасцю аказання медыцынскай дапамогі ўстановамі аховы здароўя. Выязджаюць на месцы здарэнняў, дапамагаюць следчым.


 З ДНЯ ўтварэння Міёрскага міжраённага аддзела ДКСЭ яго ўзначальвае падпалкоўнік юстыцыі Міхаіл Закрэўскі. Раней праходзіў службу ў экспертна-крыміналістычным падраздзяленні РАУС. Капітан юстыцыі Сяргей Багдановіч  працаваў у сістэме Упраўлення Дэпартамента выканання пакаранняў МУС Рэспублікі Беларусь па Віцебскай вобласці. З 2014 года заняты крыміналістычнымі экспертызамі ў экспертна-крыміналістычным сектары ў Міёрах. На месцы злачынстваў старшы эксперт здымае адбіткі пальцаў, вызначае, якім чынам зламалі дзвярны замок, вывучае адбіткі абутку, малюнкі аўтамабільных шын і іншае. Чым хутчэй і дакладней зробіць вывады, тым менш шанцаў у зламысніка застацца невядомым.

Будні ў гумовых пальчатках

СЕКТАР судова-медыцынскіх экспертыз па Міёрскім раёне размяшчаецца ў аднапавярховым будынку на тэрыторыі раённай бальніцы. Спецыялісты вывучаюць гематомы і раны на целе пацярпелых ад хуліганаў ці хатніх тыранаў, праводзяць судова-медыцынскія даследаванні трупаў. Іх рабочыя інструменты—рукі ў гумовых пальчатках, металічная лінейка і ўпакоўкі офіснай паперы.


 — Напрыклад, прыводзяць жанчыну, якую пабіў муж ці сужыцель. Бяру лінейку і вымяраю межы крывападцёкаў. Калі на целе ёсць раны, трэба вызначыць іх краі і глыбіню. Усё гэта фіксуе на паперы лабарант. Вызначаю механізм нанясення цялесных пашкоджанняў, ступень іх цяжкасці,—расказвае пра будзённыя справы начальнік сектара, дзяржаўны медыцынскі судовы эксперт Ніямаддзін Асланаў. — Выязджаю на месцы здарэнняў з гібеллю людзей. Трэба ўстанавіць прычыну і час смерці. Апошняе толькі ў кіно вызначаюць да хвіліны. На справе лічым гадзіны.


Ніямаддзін Фуад аглы — самы малады супрацоўнік сектара. Родам з Азербайджана, вучыўся ў Віцебскім медыцынскім універсітэце. Стажыраваўся ў Мінску, працаваў у Наваполацку, апошнія паўгода — у Міёрах. Сваю справу не лічыць незвычайнай. Трэба ставіцца да яе як да службовых абавязкаў і выконваць якасна.


 ТАКОЙ думкі прытрымліваюцца лабарант Святлана Стома і санітары морга Вольга Малеева і Вольга Кашыра. Ва ўсіх працоўны стаж налічвае 12-13 год. Святлана Анатольеўна пачынала ў Дзяржаўнай службе медыцынскіх судовых экспертыз. З утварэннем камітэта судовых экспертыз абавязкі не змяніліся.


— Часцей абследуем ахвяр сямейнага гвалту. Пасля святаў і выхадных зваротаў больш, — гаворыць Святлана Стома. — Судова-медыцынскае даследаванне трупаў праводзіцца, калі невядомы абставіны смерці ці яна была гвалтоўнай. Гэта значыць забойства, самазабойства ці няшчасны выпадак.


 Для сябе лабарант вядзе ўлік. Напрыклад, ў 2016 годзе правялі 75 экспертыз у адносінах да пацярпелых і 23 судова-медыцынскія даследаванні трупаў. У 2017-м — 153 і 43 адпаведна. Сёлета за першыя тры месяцы — 27 і 16. За апошнія два гады рэгістравалі па два выпадкі атручвання этылавым спіртам, сёлета іх ужо два.


ПРА сваю работу супрацоўнікі сектара судова-медыцынскіх экспертыз гавораць лёгка, нібы пераказваюць кінасюжэт.

Спецыфіка дзейнасці не заганяе ў дэпрэсію і не ўплывае на пазітыўны лад мыслення. Для таго трэба валодаць псіхалагічнай устойлівасцю і ўмець абстрагавацца ад абставін. Гэта важныя прафесійныя якасці для работнікаў падраздзяленняў Дзяржаўнага камітэта судовых экспертыз. У тым ліку і для вадзіцеля Віктара Грыгор’ева. Ён аператыўна дастаўляе супрацоўнікаў на месцы здарэнняў і на адрасы службовых камандзіровак, выконвае шэраг гаспадарчых спраў.


— Кожны супрацоўнік Міёрскага міжраённага аддзела ДКСЭ уносіць важны ўклад у агульную справу, узорна выконвае службовыя абавязкі,  — гаворыць начальнік Міхаіл Закрэўскі. — Напярэдадні прафесійнага свята выказваю ўсім удзячнасць за працу і жадаю моцнага здароўя, сямейнага дабрабыту, запасу цярплівасці і пазітыўнага настрою.

Кацярына РЫНКЕВІЧ.
Фота прадастаўлена Міёрскім
міжраённым аддзелам ДКСЭ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 96 376
  • 0

Інвестыцыйны форум

  • 23 сентябрь 2011, 10:05
  • 77 128
  • 1

Злавілі рыбку, ды… залатую

  • 28 февраль 2011, 16:16
  • 48 779
  • 0

Пераброддзе 2012. Погляд вучонага

  • 31 август 2012, 15:19
  • 39 344
  • 0

  • 11 февраль 2011, 11:20
  • 38 085
  • 0

Кандыдатамі жадаюць стаць

  • 21 август 2012, 15:30
  • 35 229
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 24 201
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 25 апреля 2019
Василий, Давид, Иван, Сергей, Мария, Марфа

Именины 24 апреля 2019
Ефим, Иван, Николай, Петр, Прохор, Яков

Госці краін
free counters
Партнеры сайта