Авторизация
 

Не быць галаслоўнымі ў сваіх абяцаннях заклікалі ў райвыканкаме ў Міёрах

 На Міёршчыне ўдвая павялічылася колькасць зваротаў па пытаннях жыллёва-камунальнай гаспадаркі, сацыяльнага забеспячэння.

У выканаўчыя і распарадчыя органы раёна за 2019 год паступіла 420 зваротаў грамадзян і юрыдычных асоб, што на чатыры працэнты менш, чым у 2018-м. Непасрэдна ў райвыканкам накіравана 183, прырост на 4,9 працэнта. У той жа час з 2012 года назіраецца тэндэнцыя змяншэння зваротаў. Пра гэта інфармавала кіраўнік спраў Наталія Брадніцкая на сумесным пасяджэнні райвыканкама і прэзідыума райсавета дэпутатаў.


Аналіз зваротаў паказаў, што часцей за ўсё жыхары раёна звяртаюцца ў райвыканкам і аддзел унутраных спраў, куды летась паступіла 152 звароты (2018 – 149). Дзевяць адрасаваны ва ўпраўленне па працы, занятасці і сацыяльнай абароне (4).
Раённай уладзе накіравалі 16 калектыўных зваротаў. З 23 акрэсленых пытанняў 13 прызнаны абгрунтаванымі, тры ўзяты на кантроль.


Найбольш – 53 звароты па 63 пытаннях – накіравалі ў райвыканкам жыхары Дзісны і сельскіх Саветаў, што адпавядае ўзроўню 2018-га. Звярталіся з Туркоўскага, Міёрскага, Узмёнскага, Павяцкага, Завуццеўскага, Новапагосцкага. Часцей за ўсё людзей хвалявалі праблемы дарожнай гаспадаркі, рамонту і ўтрымання жыллёвага фонду, электразабеспячэння, аграпрамысловага комплексу.


Юрыдычныя асобы і індывідуальныя прадпрымальнікі даслалі кіраўніцтву райвыканкама 29 зваротаў па 60 пытаннях. Адзін толькі кіраўнік сялянскай (фермерскай)гаспадаркі з Навалакі абазначыў у сваіх 15 пісьмах 36 землеўпарадкавальных праблем. Астатнія пытанні мелі дачыненне да сферы эканомікі, інфармацыі і сувязі, жыллёвага фонду, аграпрамысловага комплексу, працаўладкавання і інш.


Адзначаецца павелічэнне зваротаў па лініі жыллёва-камунальнай гаспадаркі. Большасць звязаны з утрыманнем вулічна-дарожнай сеткі. Часта людзей хвалявалі пытанні добраўпарадкавання, у прыватнасці выдалення аварыйных дрэў і кустоў. Паменела нараканняў, звязаных з жыллёвым фондам, утрыманнем хатніх гадаванцаў, камунальнымі паслугамі.
У цэлым радзей, у параўнанні з 2018-м годам, грамадзяне звярталіся па лініі архітэктуры і горадабудаўніцтва, адукацыі і навукі, энергазабеспячэння, працаўладкавання.


Жыхарам раёна давалі магчымасць выказацца і акрэсліць набалелыя пытанні на асабістых прыёмах грамадзян кіраўніцтва райвыканкама, а таксама падчас прамых і гарачых тэлефонных ліній. У той жа час некаторыя імкнуліся вырашаць праблемы і ў Адміністрацыі Прэзідэнта, памочніка Прэзідэнта, аблвыканкаме, Камітэце дзяржкантролю. Летась у вышэйшыя органы міярчане накіравалі 14 зваротаў. Па адным пісьме паступіла з Міёрскага, Новапагосцкага, Туркоўскага і Узмёнскага сельсаветаў. Вырашыць пытанні жыццезабеспячэння міёрскага краю імкнуліся чатыры жыхары іншых рэгіёнаў.


Не менш важна, наколькі аператыўна і грунтоўна адгукаюцца на пытанні на месцах, ці здольны адказныя асобы канструктыўна іх разглядаць. Названа негатыўная тэндэнцыя даваць адказ заяўнікам у крайні тэрмін. Своечасова інфармуюць пра прынятыя рашэнні аддзел па архітэктуры і будаўніцтве, жыллёва-камунальнай гаспадарцы, на долю якіх выпадае каля 70 працэнтаў ад усіх зваротаў у райвыканкам. Не марудзяць аддзел ідэалагічнай работы, культуры і па справах моладзі, Перабродскі сельвыканкам. Часам тэрміны разгляду зваротаў пераносяцца, прычыны розныя: абмежаваныя фінансавыя магчымасці, неспрыяльныя кліматычныя ўмовы і інш. На працяглым кантролі кіраўніцтва райвыканкама знаходзяцца 33 звароты. Да іх сёлета дадаліся 13.


Пачуць і адгукнуцца – задача кожнага кіраўніка, звярнуў увагу старшыня райвыканкама Ігар Кузняцоў. Але нельга быць галаслоўнымі ў сваіх абяцаннях. Калі далі слова, яго трэба стрымаць. Тым часам загадзя прымаць узважаныя рашэнні.
Летась удвая больш паступіла пытанняў да камунальнікаў. Дырэктар УП ЖКГ Ігар Войтаў патлумачыў: сэрвіс абслугоўвання службы шырокі, задач нямерана. Аднак нярэдка людзі выказваюць незадавальненне тым, з чым па-сутнасці самім па сіле справіцца. Гэта мае дачыненне да добраўпарадкавання дваровых тэрыторый, дзе сабраўшыся, жыхары кватэр могуць і смецце падгрэбсці, і гульнёвы інвентар пафарбаваць, і кветнікі абуладкаваць. У грамадскіх месцах старанні камунальнікаў таксама далёка не ўсе ацэньваюць станоўча. Напрыклад, буру хваляванняў выклікала абрэзка дрэў на паўвостраве. Пра свае скаргі, што на галаву сыпяцца сукі і птушыны памёт, людзі забыліся, раптоўна абвастрыліся гуманныя пачуцці да прыроды. Дагадзіць кожнаму немагчыма. Вядома адно – рабіць наша жыццё зручным і камфортным – задача ўсеагульная.

Фота для ілюстрацыі.
Наталія СТАНКЕВІЧ.

рейтинг: 
Пакінуць каментар
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 17 апреля 2021
Адриан, Вениамин, Георгий, Иван, Иосиф, Никита, Николай, Федор, Мария

Именины 16 апреля 2021
Никита

Госці краін

free counters
Партнеры сайта