Авторизация
 

Слухаць і чуць грамадзян Міёршчыны

Слушать и слышать граждан МиорщиныРабота органаў мясцовага кіравання са зваротамі грамадзян і юрыдычных асоб, па выкананні адміністрацыйных працэдур прааналізавана 28 красавіка на сумесным пасяджэнні райвыканкама і прэзідыума раённага Савета дэпутатаў. Удзел у ім прынялі намеснік міністра юстыцыі Андрэй Аўдзееў, намеснік начальніка Галоўнага ўпраўлення юстыцыі аблвыканкама — начальнік упраўлення прымусовага выканання Аляксей Каржоў. Ходам пасяджэння кіраваў старшыня райвыканкама Ігар Кузняцоў. 

 

Па інфармацыі кіраўніка спраў райвыканкама Валерыя Драба, у мінулым годзе ў выканаўчыя і распарадчыя органы раёна паступіла 485 зваротаў, што на 77 (13,8%) менш чым пазалетась. Аператыўнае вырашэнне сацыяльна значных праблем насельніцтва паспрыяла змяншэнню колькасці зваротаў у райвыканкам. У 2016 годдзе паступіў 171 зварот (2015—184), дзе ўтрымлівалася 232 пытанні, і 8 (2015—4) прынята ад юрыдычных асоб і індывідуальных прадпрымальнікаў. 83 чалавекі звярнуліся пісьмова (2015—106), з іх 16—па сродках электроннай пошты, пададзена 88 вусных заяў (78). Аўтары трох пісьмаў пажадалі застацца невядомымі. 14 зваротаў—калектыўных, у тым ліку два ад групы больш за 30 чалавек. Абгрунтаванымі прызнаны сем.


Па-ранейшаму лідзіруе тэматыка жыллёва-камунальнай гаспадаркі—44 звароты. На 40% паболела прэтэнзій да аграпрамысловага комплексу. Самыя актуальныя з іх—несвоечасовая выплата заробку ў сельгасарганізацыях. 19 зваротаў па 26 пытаннях мелі дачыненне да землеўпарадкавання і землекарыстання. Аднак абгрунтаваным прызнаны толькі адзін—аб узнаўленні ландшафту ўчастка ў Орцах і пад'язных шляхоў да яго. Просьба задаволена. Па пытаннях жыллёвага заканадаўства атрымана 15 зваротаў па 18 пытаннях. 28% з іх складаюць просьбы аб выдзяленні пакою ў інтэрнаце ПМК-55. Нягледзячы на тое, што гэта не ў кампетэнцыі райвыканкама, два заяўнікі ўжо заселены і столькі ж пастаўлены ў чаргу.
У тры разы ў параўнанні з 2015-ым паболела зваротаў па дарожнай гаспадарцы. Актыўнасць грамадзян прыпадала на вясенні і асенні перыяды, калі непагадзь і бездарожжа. Павя-лічылася пытанняў, якія мелі дачыненне да растлумачэння парадку падключэння да сетак газаразмеркавальнай сістэмы, перспектывы газіфікацыі аграгарадкоў.


11 грамадзян звярталіся па праблеме працаўладкавання. Просьбы дваіх задаволены, двум адмоўлена, астатнія атрымалі растлумачэнні.
У Адміністрацыю Прэзідэнта ад жыхароў Міёршчыны паступіла пяць зваротаў з васьмю пытаннямі, з якіх чатыры прызнаны неабгрунтаванымі. У абласны выканаўчы камітэт дасланы 33 звароты. Задаволена просьба толькі аднаго заяўніка.


Створаны ўсе магчымасці для жывых зносінаў грамадзян з кіраўніцтвам райвыканкама, яго структурных падраздзяленняў, старшынямі гарсельвыканкамаў. Устаноўлены адзіныя дні і графікі асабістых прыёмаў у зручны час. За мінулы год правялі 33 асабістыя прыёмы грамадзян, старшыня райвыканкама—25 (2015—21), падчас якіх звярнуліся 60 грамадзян і адзін прадстаўнік юрыдычнай асобы. Яго і яшчэ 50 чалавек выслухаў кіраўнік раёна. Усе просьбы, акрамя шасці, задаволены, дадзены растлумачэнні.


Апраўдала сябе практыка выязных прыёмаў. Летась падчас іх прынята 30 грамадзян. З пытаннямі растлумачальнага характару зручна звяртацца на "прамыя тэлефонныя лініі". Арганізавана 51, падчас чатырох з іх званкі прымаў старшыня райвыканкама. Усяго звярнулася 65 чалавек, якія агучылі 70 пытанняў. Найбольш мелі дачыненне да работы камунальнай службы, дарожнай гаспадаркі, аграпрамысловага комплексу, гандлю і паслуг, транспарта. Па-за ўвагай ніводнае не пакінута.


Для вырашэння праблем насельніцтва дзейнічае і "гарачая лінія" райвыканкама. Летась прынята 16 званкоў. Толькі адна просьба прызнана абгрунтаванай. На "гарачую лінію" аблвыканкама звярнуліся 2 жыхары Міёрскага раёна. Прычынай звароту аднаго з іх паслужылі абыякавыя адносіны кіраўніцтва ААТ "Мікалаёўскі" да праблем жыхароў сяла, што наогул не дапушчальна.
Дні інфармавання ў сельсаветах, працоўных калектывах, па месцы жыхарства вяскоўцаў, асабістыя прыёмы кіраўнікоў і іх выступленні, справаздачы дэпутатаў у выбарчых акругах таксама дапамагаюць выяўляць людскія праблемы і спрыяць іх хутчэйшаму вырашэнню.


У 2016 годзе мясцовыя і распарадчыя органы раёна ажыццявілі 20711 адміністрацыйных працэдур у адносінах грамадзян і 1872—юрыдычных асоб і індывідуальных прадпрымаль-нікаў. Найбольшая доля прыпадае на структурныя падраздзяленні РАУС, а таксама упраўленне па працы, занятасці і сацыяльнай абароне, аддзелы загса, адукацыі, спорту і турызму, эканомікі, сектар па рабоце з грамадзянамі і юрыдычнымі асобамі. Гарсельвыканкамы за справаздачны год выканалі 4895 адміністрацыйных працэдур. Лідары ў гэтай справе Дзісенскі гарвыканкам, Язненскі і Мікалаёўскі сельвыканкамы.


На пасяджэнні нагадана, што работа са зваротамі, па выкананні адміністрацыйных працэдур—прамы абавязак органаў мясцовага кіравання, і менавіта кіраўнікі нясуць за яе адказнасць, а садзеянне і дапамогу па ўдасканаленні павінны аказваць Саветы дэпутатаў усіх узроўняў. Ступень камфорту і ўзровень жыцця, наяўнасць ці адсутнасць дыялогу паміж службовымі асобамі і насельніцтвам, настойлівасць мясцовага кіравання і самакіравання ў вырашэнні пытанняў жыццезабеспячэння абумоўліваюць ступень даверу насельніцтва да ўлады, што выражаецца, у тым ліку, і ў колькасці просьб, крытычных заўваг, скарг, якія паступаюць у вышэйшыя інстанцыі. Галоўны вынік такі: грамадзян трэба слухаць і чуць, своечасова і якасна вырашаць іх праблемы на месцах. 

 

Наталія СТАНКЕВІЧ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 6 мая 2021
Анатолий, Валерий, Георгий, Иван, Александра, Валерия, Афанасий

Именины 5 мая 2021
Виталий, Всеволод, Гавриил, Дмитрий, Климент, Платон, Федор

Госці краін

free counters
Партнеры сайта