У сярэдняй школе №3 імя Ягора Томкі прайшоў другі этап рэспубліканскай акцыі "Бяспека ў кожны дом". У інтэлектуальнай гульні "Брэйн-рынг" міёрскія старшакласнікі з чатырох каманд паказалі свае веды па асновах бяспекі жыццядзейнасці.
Турнір знаўцаў уключаў заданні на дакладныя веды і логіку. Сачылі за гульнёй гледачы-настаўнікі. Было весела і пазнавальна. У выніку перамагла каманда "Вогненныя галубы", у склад якой уваходзілі дзесяцікласнікі з сярэдняй школы №3 імя Ягора Томкі.
P.S.Для Міёршчыны "Брэйн-рынг" па асновах бяспекі жыццядзейнасці — у навінку. Мяркуючы па рэакцыі дзяцей, гэты накірунак трэба развіваць.