Гэтыя здымкі наш фотакарэспандэнт зрабіў сёлета ранняй вясной. У аб’ектыве – збудаванні гідралагічнага помніка мясцовага значэння крыніцы “Святая вада Дзехцяроўская”, што  знаходзіцца ў лесе ля дарогі Чапукі – Волкаўшчына. 

 Зразумела, што апекаваць аб’ект даручана работнікам Новапагосцкага лясніцтва. Калісь яны правялі тут капітальнае добраўпарадкаванне, цяпер штогод рамантуюць і абнаўляюць.

Помнік прыроды вядомы, знаходзіцца ў маляўнічым месцы. Яго нярэдка наведваюць падарожнікі, каб палюбавацца наваколлем, папіць і набраць з сабой чысцюткай крынічнай вады. Непрыемна было атрымаць  вестку ад ляснічага Новапагосцкага лясніцтва Мікалая Мішука, што мэты ў прыезджых не заўсёды светлыя. Наведваюцца і вандалы, якія не цэняць ні прыгажосць, ні чужую працу. Пасля іх не ўсё, што захавалі здымкі, цяпер можна пабачыць у натуры. У чэрвені леснікі зноў зоймуцца добраўпарадкаваннем крыніцы.

“Святую ваду” наведалі людзі, у якіх няма нічога святога ў душы…

Фотаматэрыял Казіміра БЛАЖЭВІЧА.
Леанід МАТЭЛЕНАК.