Авторизация
 

Зажынкі адсвяткавалі ў СУП "Цітова" на Міёршчыне

 Жніво збожжавых на Міёршчыне пачалося на мінулым тыдні абмалотам азімай пшаніцы. Але крыху пазней, чым звычайна. І жнівень не абяцае камбайнерам добрага надвор’я. З канстатацыі гэтых фактаў пачаў рабочую нараду кіраўнікоў сельгаспрадпрыемстваў начальнік упраўлення па сельскай гаспадарцы Аляксандр Шокель. Яна праходзіла ў будынку Цвецінскага цэнтра культуры і фальклору ў мінулую суботу, 25 ліпеня. Затым адбыліся зажынкі на збожжавым полі СУП «Цітова» ля вёскі Галёнчына. 

Сітуацыя вызначае галоўныя задачы для аграрыяў: паскараць работы на збожжавай ніве, бо іх аб’ёмы вялікія. Усе камбайны павінны быць абсталяваны сцеблападымальнікамі і працаваць у полі максімальны час. Для абмалоту напачатку выбіраць самыя спелыя ўчасткі. Асноўнае жніво неабходна закончыць да 20 жніўня. Звесці да мінімуму страты зерня, захаваць ураджай, у першую чаргу выконваць дзяржзаказ.


Пры гэтым нельга спыняць корманарыхтоўку, трэба выконваць заданне па прасаванні сенажу ў стрэйч-плёнцы. Мінімум адным экіпажам патрабуецца весці ворыва пад крыжакветкавыя, якія стаіць задача пасеяць у найлепшыя агратэхнічныя тэрміны – таксама да 20 жніўня. Там, дзе не ўдаецца забяспечыць высокія ўраджаі азімага рапсу, прапануецца пераходзіць на вырошчванне сурэпіцы.
Нельга ўпускаць падрыхтоўку да стойлавага ўтрымання жывёлагадоўчых памяшканняў і добраўпарадкаванне вакол іх.


 Начальнік аддзела вытворчасці сельгаспрадукцыі райсельгасхарчу Дзмітрый Міхалкіў прысвяціў выступленне настройцы зерневых камбайнаў і арганізацыі працы на збожжавых палях. У аграрыяў на першы план выходзіць мноства іншых пытанняў. Так, азімыя зерневыя рэкамендуецца сеяць гусцей, не менш чым на трэцяй частцы плошчаў абавязкова ўнесці гліфасаты. Займацца перазалужэннем пашаў і падсевам траў, бо будучы травастой – гэта надоі і, адпаведна, грашовыя паступленні наступнага года. У гэтым плане крытыка прагучала ў адрас сельгаспрадпрыемстваў «Пад’ельцы», «Узмёнскі край», «Дрыгучы». Звернута ўвага на шматкампанентнасць пратручвальнікаў зерня перад сяўбой, на падкормку кукурузы.


– Кіраўнікі павінны так арганізоўваць вытворчасць, каб зарабляць, – падкрэсліў старшыня райвыканкама Ігар Кузняцоў.
Намеснік начальніка аддзела вытворчасці сельгаспрадукцыі Аляксандр Мышко і галоўны дзяржтэхінспектар Сяргей Гільніч звярнулі ўвагу на ўкамплектаванне, рэгуліроўкі ўборачных агрэгатаў, арганізацыю іх выпуску на лінію, навучанне экіпажаў правілам бяспечнай працы, на асаблівасці завяршэння тэхагляду для асобных камбайнаў і эксплуатацыі сушыльнага абсталявання.


Першы намеснік начальніка райсельгасхарчу Андрэй Батура заклапочаны захаваннем высокай прадукцыйнасці малочнага статка і ў гэты напружаны перыяд. Зноў прагучалі патрабаванні па актывізацыі перазалужэння, своечасовым падкошванні пашаў. З гэтымі задачамі цяпер належным чынам спраўляюцца гаспадаркі «Цітова», «Павяцце», «Любінова» і шэраг іншых. А патрэбна так працаваць усім. Рэкамендавана пры неабходнасці выкарыстаць для выпасу жывёлы нават участкі травастою, якія планавалі для другога ўкосу.


 У жывёлагадоўлі таксама важныя рамонт, пабелка ферм, добраўпарадкаванне навакольнай тэрыторыі. Статак у памяшканнях павінен атрымліваць якасныя кармы, іх дастаткова, для абагачэння рацыёнаў пачаў паступаць рапсавы шрот. Ёсць магчымасць пастаўляць на мясакамбінат толькі кандыцыйны статак.


Вынікі нарады падвёў старшыня райвыканкама Ігар Кузняцоў: у аграрыяў раёна ёсць магчымасць паспяхова развівацца на ўласнай базе.


Мерапрыемства прадоўжылася зажынкамі на збожжавым полі СУП «Цітова» ля вёскі Галёнчына. Пракосы на 48-гектарных пасевах азімай пшаніцы «Ядвіся» яшчэ да дажджу тут праклалі чатыры камбайны гаспадаркі. На жніво яны выехалі днём раней і пачалі абмалот. Пачатак абнадзейвае: першыя гектары забяспечылі ўраджайнасць у 29 ц/га, хаця летась была значна вышэйшай.


Да ўрачыстасці, якая пачалася пасля 14.00, надвор’е палепшылася – сонца вызірнула з-за хмар. Неба нібы бласлаўляла хлебаробаў на выдатны пачатак адказнай справы, аб чым праводзіў богаслужэнне святар айцец Генадзь з Дзісны. Малітоўны пачатак падхапілі самадзейныя артысты Цвецінскага цэнтра культуры і фальклору, дзеянні якіх накіроўвала вядучая Таццяна Шчарбакова. Жанчыны зжалі першыя снапы пшаніцы і паставілі іх у бабку. Ля яе прыпаднеслі каравай кіраўніку раёна – Ігару Кузняцову.


 – Нашы продкі маліліся пра хлеб і мір, усё гэта мы цяпер маем, – гаварыў Ігар Валер’евіч. – Наступіў для нас самы важны перыяд, каб убраць і захаваць вырашчаны ўраджай. Перакананы, што каравай гэтага года будзе таксама важкім, калі старанна папрацуем. Усё ў нашых руках.


– На кожны наш камбайн сёлета выпадае па 315 гектараў збажыны, гэта шмат. Але мы справімся, – запэўніў гаспадар поля, дырэктар СУП «Цітова» Франц Вершалоўскі.


Жнеі ўручылі яму першы сноп новага ўраджаю пад песню «Малады аграном», якую выконваў фальклорны гурт, а запявала ветэран калектыву Ада Варона.


Удзельнікі зажынак паспыталі свежы каравай, пакуль гучала жартоўная «А я жыта ды не сеяла, яно само ўсходзіць» у выкананні Ліліі Сямчонак.


Зажынкі закончыліся на аптымістычнай ноце. Над полем падхопленая баянам і жаночымі галасамі гучала заўсёды папулярная песня «Живет село родное». Следам запрацавалі маторы камбайнаў.


Масавае жніво на Міёршчыне стартавала.

Фотаматэрыял Казіміра БЛАЖЭВІЧА.

Леанід МАТЭЛЕНАК.

рейтинг: 
Пакінуць каментар
Мы ў сацыяльных сетках

  • да 2018
  • 2019
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 371
  • 0

Інвестыцыйны форум

  • 23 сентябрь 2011, 10:05
  • 89 007
  • 1

Злавілі рыбку, ды… залатую

  • 28 февраль 2011, 16:16
  • 88 828
  • 0

Пераброддзе 2012. Погляд вучонага

  • 31 август 2012, 15:19
  • 42 542
  • 0

  • 11 февраль 2011, 11:20
  • 42 384
  • 0

Кандыдатамі жадаюць стаць

  • 21 август 2012, 15:30
  • 36 594
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 727
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 10 августа 2020
Василий, Ефим, Иван, Моисей, Никанор, Николай, Павел, Прохор, Сергей, Юлиан, Анастасия, Антонина, Елена, Ирина

Именины 9 августа 2020
Герман, Иван, Кирилл, Климент, Константин, Наум, Николай, Платон, Анфиса

Госці краін

free counters
Партнеры сайта