—Фалерыстыка—гэта калекцыяніраванне ордэнаў, медалёў, значкоў, а таксама дысцыпліна, што займаецца іх вывучэннем,—тлумачыць дырэктар музея Аксана Лагунёнак.—Большасць значкоў з калекцыі нашага земляка Сяргея Панізніка, што захоўвалася ў лявонпальскім музеі "Хатка бабкі Ядзвінні", а цяпер стала здабыткам нашай установы. Акрамя значкоў раскажам пра сучасныя дзяржаўныя ўзнагароды і ганаровыя званні. Арыентавана выстава на дзяцей школьнага ўзросту. Цікавай будзе і для дарослых, што захапляюцца фалерыстыкай.

На выставе прадстаўлены значкі савецкага перыяду. "Донар СССР", "Пераможца сацыялістычнага спаборніцтва", "Юны хімік" і іншыя. Ёсць больш сучасныя экземпляры з Канады, Польшы, Латвіі.