Нярэдка да смяртэльнага зыходу прыводзіць кіраванне двухколавым мотатранспартам у стане алкагольнага ап'янення. Сёлета выяўлена 75 падобных парушэнняў. Распаўсюджаны сярод матацыклістаў язда без правоў, выезд на паласу сустрэчнага руху, перавышэнне хуткасці.

Трагічныя вынікі мела нядаўняя аварыя ў Оршы. Каля дзвюх гадзін ночы 15 мая на скрыжаванні вуліц сутыкнуліся легкавы аўтамабіль з 60-гадовым вадзіцелем і матацыкл, якім кіраваў 25-гадовы мужчына. Ад атрыманых траўм абодва загінулі. Па папярэдніх дадзеных, вадзіцель аўтамабіля выязджаў з другараднай дарогі на галоўную, па якой рухаўся матацыкліст.

Дзяржаўтаінспекцыя нагадвае кіроўцам двухколавага мотатранспарта пра абавязковае выкананне хуткасных рэжымаў, правіл манеўравання, выкарыстанне моташлемаў. Уладальнікі матацыклаў і мапедаў абавязаны рухацца і ўдзень з уключаным бліжнім святлом фар, рэгістраваць транспарт і ні ў якім выпадку не "сядлаць коней", не маючы на тое правоў.