Авторизация
 

Паўнапраўны гаспадар “Беларуса” Іван Талапіла з ААТ “Папшулі”

 Шэры лістападаўскі дзень. На дварэ холадна і золка. Добра, што субота. Можна застацца дома, заварыць духмяны чай, уключыць цікавы фільм і з галавой акунуцца ў адпачынак пасля працоўнага тыдня. Такія гадзіны рэлаксацыі ў трактарыста-машыніста ААТ “Папшулі” Івана ТАЛАПІЛЫ здараюцца рэдка. 

Яшчэ хлапчуком Іван імкнуўся ў кабіну трактара, якім кіраваў тата. Цяпер сам паўнапраўны гаспадар “Беларуса”. У ВОСЕМ раніцы Іван у двары майстэрні. Завёў “Беларус”-1221 і паехаў у поле. Там і засталі яго за працай.


— Аром, — з добрай усмешкай адказвае на пытанне пра фронт работ. — На гэтым трактары часова. Чакаю з рамонту мой “Беларус”-3022. На ім вясной сею, летам сянаж важу, увосень — ару, а зімой кармы разважу.


Клопатаў у маладога сельскага працаўніка хапае круглы год. За справу бярэцца заўзята. У мінулай пасяўной кампаніі стаў лепшым у спаборніцтве сярод сельскай моладзі раёна, вызначыўся ў падрыхтоўцы глебы.


З вясковым укладам жыцця Іван Мікалаевіч знаёмы з дзяцінства. Нарадзіўся і вырас у Папшулях. Бацькі трымалі гаспадарку, дзеці дапамагалі даглядаць жывёлу, нарыхтоўваць сена, палоць агарод.


— Яшчэ малым ездзіў з татам у трактары, ужо ў чацвёртым класе навучыўся кіраваць, — гаворыць субяседнік.


ПАСЛЯ мясцовай дзевяцігодкі Іван адправіўся ў райцэнтр на курсы трактарыстаў. Затым адслужыў у пагранічным войску ў Смаргоні, вярнуўся ў родную вёску, уладкаваўся ў гаспадарку. Першая тэхніка — “Беларус”-1221, праз тры гады атрымаў “Беларус”-3022, баранку якога круціць і цяпер.


— У гаспадарцы адзінаццаць год. Летам амаль без выхадных. Бывае, працоўны дзень у шэсць раніцы пачынаецца і да позняга вечара. Прызвычаіўся да такога парадку. Халоднай парой больш часу на адпачынак, і ў нядзелю выхадны, — расказвае трактарыст-машыніст. — Змяняць месца працы не думаю. Абы гаспадарка мацнела і развівалася.


Родныя брат і сястра Івана ўладкаваліся ў Наваполацку. А яго горад не вабіць. Прыедзе туды па сваіх справах і хутчэй дадому. Па-ранейшаму дапамагае маці-пенсіянерцы па гаспадарцы. На падворку былой даяркі карова, свінні, птушка.


У вольную хвіліну займаецца ўласным аўтамабілем. Тэхніцы патрэбны пастаянны догляд. Трымае ў парадку і агрэгаты да службовага трактара. Калі можа сам справіцца з паломкай, на чужыя плечы работу не перакладае.


НА доўгія размовы часу няма. Чакаюць неўзараныя гектары. Іван вяртаецца ў блакітны “Беларус”. Трактар пакрысе рухаецца наперад, і за плугам замест зялёнай роўнядзі палетка застаюцца карычневыя глыбы свежай зямлі. Наперадзе ў трактарыста-машыніста большая частка працоўнага дня. Шмат можна паспець. 

Фота Казіміра БЛАЖЭВІЧА.

Кацярына РЫНКЕВІЧ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках

  • да 2018
  • 2019
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 97 958
  • 0

Інвестыцыйны форум

  • 23 сентябрь 2011, 10:05
  • 83 289
  • 1

Злавілі рыбку, ды… залатую

  • 28 февраль 2011, 16:16
  • 74 388
  • 0

Пераброддзе 2012. Погляд вучонага

  • 31 август 2012, 15:19
  • 41 808
  • 0

  • 11 февраль 2011, 11:20
  • 40 297
  • 0

Кандыдатамі жадаюць стаць

  • 21 август 2012, 15:30
  • 36 347
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 499
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 24 января 2020
Виталий, Владимир, Иосиф, Михаил, Николай, Степан, Терентий, Федор

Именины 23 января 2020
Анатолий, Григорий, Зиновий, Макар, Павел, Петр

Госці краін

free counters
Партнеры сайта