Камітэт дзяржкантролю Віцебскай вобласці трымае ў полі зроку спісанне з бухгалтарскага ўліку капітальных пабудоў, у адносінах якіх прыняты рашэнні аб зносе, ва ўсіх галінах гаспадаркі. 

Заканадаўствам устаноўлена, што аб'екты асноўных сродкаў, якія належаць спісанню (зносу), павінны ўлічвацца ў бухгалтарскім уліку (на забалансавым уліку) да завяршэння работ па іх ліквідацыі. Правесці іх, як правіла, трэба на працягу года з дня прыняцця рашэння аб спісанні.

У ходзе кантрольных мерапрыемстваў, якія праводзіліся ў арганізацыях жыллёва-камунальнай гаспадаркі, выяўлены факты неабгрунтаванага спісання капітальных пабудоў. Асобныя здымалі з бухгалтарскага ўліку капітальныя пабудовы адразу ж пасля прыняцця рашэння, аднак да работ па іх ліквідацыі не прыступалі ці не завяршылі ў поўным аб'ёме. У выніку дзяржаўная маёмасць амаль два гады не ўлічвалася пры тым, што мае астаткавы кошт.

Напрыклад, Полацкае камунальнае ўнітарнае прадпрыемства водаправодна-каналізацыйнай гаспадаркі ў снежні 2015 года спісала з бухгалтарскага ўліку рэзервуар для захоўвання чыстай вады. Аднак і праз амаль два гады работы па зносе (дэмантажы) не завяршыла. Пасля спісання з бухгалтарскага ўліку яшчэ аднаго аб'екта асноўных сродкаў зносіць яго не паспяшалася. Па прапанове Камітэта дадзеныя факты асноўных сродкаў агульнага астаткавага кошту больш за 200 тысяч рублёў прыняты да бухгалтарскага ўліку.
КУП "ЖКГ г. Полацка" неабгрунтавана спісала з бухгалтарскага ўліку будынкі вучэбнага класа і кацельнай. Мінула звыш года, а іх ліквідацыя не завершана. Аналагічныя факты выяўлены ў ЖКГ Гарадоцкага і Шаркаўшчынскага раёнаў.