З 2013 года ў Беларусі праходзіць міжнародная акцыя "Зробім". Летась яна ахапіла 24 гарады пры колькасці ўдзельнікаў больш за тысячу чалавек. Асноўная мэта мерапрыемства—далучыць жыхароў рэспублікі да ўборкі несанкцыянаваных звалак смецця ў лясах, паблізу вадаёмаў, у розных цяжкадаступных месцах.
І наогул, увага да праблемы адходаў у нас павялічваецца. Звалак не павінна быць у любых пасадках, асабліва ў лесапаркавых, і жылых зонах. У месцах, дзе яны рэгулярна і ў значнай колькасці ўтвараюцца, можна ўстанавіць кантэйнеры.
Уносьце прапановы! Важна кожнаму выпрацаваць звычку не проста выносіць бытавое смецце толькі ў кантэйнер, але і адсартаваць яго, каб размясціць у адпаведную спецыяльную ёмістасць.
Сёлетняя акцыя "Зробім" намечана на красавік, а фінал яе запланаваны на 9 кастрычніка. Запрашаем усіх да ўдзелу: жыць у чысціні не толькі прыемна, але і здарова.