Сёлета з 22 да 27 красавіка па ініцыятыве Еўрапейскага рэгіянальнага бюро сусветнай арганізацыі аховы здароўя ў краінах еўрапейскага рэгіёна пройдзе тыдзень імунізацыі пад лозунгам "Абараніце свой свет — вакцыніруйцеся". У Беларусі праводзімыя мерапрыемствы будуць накіраваны на павышэнне ўзроўню інфармаванасці насельніцтва аб неабходнасці абароны супраць інфекцыйных захворванняў з дапамогай вакцынацыі.

Здароўе — гэта найбольш важная каштоўнасць кожнага чалавека, але ахоўныя механізмы арганізма часам не могуць супрацьстаяць мікробам і вірусам, а лекавыя прэпараты не заўсёды эфектыўныя. Найбольш церпяць ад усяго гэтага дзеці, іх арганізм упершыню сустракаецца з інфекцыяй, і асобы са зніжаным узроўнем ахоўных сіл. Такія захворванні могуць "выключыць" з работы не толькі аднаго работніка, але і многіх акружаючых яго людзей. Магчыма і больш буйная ўспышка — эпідэмія.  Прычым, зыход барацьбы арганізма чалавека з інфекцыяй можа завяршыцца трагічна ці прывесці да сур'ёзных ускладненняў, асабліва ў дзяцей. Пазбегнуць цяжкіх наступстваў дапамагае высокаэфектыўны прафілактычны сродак—прышчэпка, якую можна зрабіць супраць шэрагу інфекцыйных захворванняў. Сутнасць яе ў тым, што ў арганізм ўводзяць невялікую колькасць забітых ці аслабленых мікраарганізмаў і ў чалавека павялічваецца ўтварэнне неабходных ахоўных клетак, якія агароджваюць яго ад пэўнага віду інфекцыі, набываецца неўспрымальнасць да хваробы (імунітэт).

 Дзякуючы правядзенню масавай імунізацыі ў апошняе дзесяцігоддзе ў Віцебскай вобласці ў дзяцей не рэгіструюцца поліяміэліт, слупняк і некаторыя іншыя хваробы.

Трэба памятаць, што забяспечыць высокую эфектыўнасць вакцынацыі можна толькі калі зрабіць поўны курс прышчэпак  ва ўстаноўленыя тэрміны. На гэтую акалічнасць найперш павінны звярнуць увагу бацькі, бо менавіта яны з першых дзён жыцця немаўлят павінны клапаціца пра іх здароўе, турбавацца пра правядзенне прышчэпак, каб засцерагчы ад магчымых інфекцый.

Р. МАЛІНОЎСКІ, галоўны санітарны ўрач раёна; А. ТАНКАВІД, загадчыца аддзела эпідэміялогіі.