У спешцы па справах мы зывычайна глядзім пад ногі, каб не паслізнуцца ці не аступіцца, уважліва сочым за транспартам на дарозе, прапускаючы машыны, і  вельмі рэдка звяртаем увагу на смяротна небяспечныя ледзяшы, якія звісаюць над галавой, пагражаючы вострымі пікамі. А іншы раз проста забываемся адысціся ад будынкаў на два-тры метры. Каб не стаць ахвярай глыб снегу і ледзяшоў, якія абрушваюцца з дахаў, неабходна захоўваць пэўныя правілы: 

- не набліжацца да будынкаў, не дазваляць знаходзіцца ў такіх месцах дзецям і падлеткам;
- не паркаваць аўтатранспарт паблізу будынкаў;
- пры наяўнасці агароджы, папераджальных аншлагаў (таблічак) пра небяспеку, нельга праходзіць за агароджу, трэба абысці гэтае месца іншым шляхам;
- пры выяўленні навалаў снегу і ледзяшоў, якія ўтварыліся пад дахам будынка, звярніцеся ў абслугоўваючую арганізацыю або органы мясцовага самакіравання з заявай аб неабходнасці ліквідацыі пагрозы для людзей;
- памятайце, што пасля падзення снегу ці лёду з краю даху, можа лавінай абрынуцца зверху і ўся астатняя снежная маса. Таму, прыкме-ціўшы на тратуары невялікія горкі ледзяшоў ці снегу, адыдзіцеся далей.

Беражыце сябе!

Юрый ПАПЛАЎСКІ, галоўны інжынер УП ЖКГ.
Фота Казіміра БЛАЖЭВІЧА.