Раніцай у 7:30 школьныя калідоры ўжо "ажылі", што, відавочна, і напалохала жывёлу. Лось кінуўся ў вокны. Настаўнікі імкліва эвакуіравалі дзяцей на другі паверх. Вартаўнік Іван Зімнік выйшаў на вуліцу і вокрыкамі накіраваў "госця" ў супрацьлеглы ад школы бок. Сахаты развярнуўся і пабег. Вырваўшыся з палону своеасаблівай архітэктурнай формы будынка, сігануў праз высокую агароджу і знік у напрамку вуліцы Кірава. 

Як паведамілі настаўнікі СШ№3, ніхто са школьнікаў траўм не атрымаў, а вось жывёліна парэзалася шклом ад чатырох разбітых вокнаў. 

Здарэнне неардынарнае. Аднак, калі ўлічыць, што Міёры акружаны лясамі і балотамі, то, відавочна, вось такія візіты лясных жыхароў на гарадскія вуліцы маюць месца быць.