Авторизация
 

Зброя рэўнасці — кулак… і нож

+
Оружие ревности — кулак ... и ножКалі заканчваецца працоўны дзень, мы спяшаемся дадому, дзе чакае сям'я. Гатуем вячэру, за якой потым абмяркоўваем апошнія навіны і плануем, як разам правядзём выхадныя. На жаль, гармонія і згода пануюць не ў кожным доме, а сям'я замест ціхай гавані становіцца бурным морам сварак і крыўд.

Зброя рэўнасці—кулак… 
У сям'і 38-гадовага Антона (імя зменена) не было традыцыі піць па вечарах чай і чытаць перад сном казкі двум маленькім дзецям. Не таму, што ў сельскай мясцовасці на гэта не застаецца часу з-за мноства спраў па гаспадарцы. Калі за вокнамі цямнела, у хаце разам са святлом "запальваліся" сваркі, падчас якіх нецвярозы муж наносіў жонцы пабоі.

Як расказваў на судзе, у большасці выпадкаў канфлікты ўзнікалі з-за яго рэўнасці да жонкі. На целе і твары жанчыны заставаліся сінякі ад удараў, аднак у міліцыю і за медыцынскай дапамогай не звярталася. 

Нумар 102 набрала, калі падчас чарговай сваркі муж ударыў кулаком у твар. У той восеньскі дзень ён планаваў капаць бульбу, а жонка паехала ў горад. Вечарам вярнулася, і, як гаворыцца, сваё атрымала. Мужчыну прыцягнулі да адміністрацыйнай адказнасці, але на адносіны ў сям'і гэта не значна паўплывала. 

Ужо праз некалькі месяцаў на твары жонкі з'явіўся кровападцёк ад удару кулаком, а адразу на наступны дзень—выцята-рваная рана на губе. На гэты раз сварыліся з-за таго, што гаспадыня не купіла солі. Жанчына разам з дзецьмі пайшла начаваць да бацькоў, што пражываюць у той жа вёсцы.

На момант судовага пасяджэння Антон перастаў злоўжываць спіртным і памірыўся з жонкай. Віну сваю поўнасцю прызнаў і ў зробленым раскаяўся. 
Суд пакараў 1 годам пазбаўлення волі без штрафу з адтэрміноўкай на год. Таксама за мужчынам будзе ажыццяўляцца прафілактычнае назіранне. 

… і нож
Першую судзімасць у біяграфію 27-гадовага Паўла (гэтае і наступнае імёны зменены) таксама ўпісала рэўнасць. Ён нават не памятае, як разагрэты алкаголем і негатыўным пачуццём, ударыў нажом, так бы мовіць, сябра сям'і. Аднак учыненае не адмаўляе і віну сваю поўнасцю прызнае.

Маладая сям'я з маленькім дзіцём здымала кватэру ў райцэнтры. У той дзень Павел збіраў рэчы для пераезду на іншае месца жыхарства. На дапамогу прыехаў знаёмы жонкі—Алег. На працягу дня ў перапынках паміж зборамі маладыя мужчыны ўжывалі спіртное. Бліжэй да вечара паміж імі ўзнікла сварка. Павел для самаабароны ўзяў нож і пайшоў у пакой, жонка з Алегам засталася на кухні. Праз некаторы час яна паклікала Паўла. Той палічыў, што магчыма будзе бойка, таму і паклаў нож унутр рукава.

Зайшоў на кухню, убачыў, што жонка размаўляе з Алегам—і тут накрыла хваля рэўнасці. Нічога не кажучы, Павел падышоў да "саперніка" і ўдарыў яго нажом. Калі эмоцыі адпусцілі, стаў дапамагаць пацярпеламу. 

Згодна з судова-медыцынскай экспертызай, пацярпеламу нанесена колата-рэзаная рана левай бакавой паверхні грудной клеткі, пранікальная ў грудную і брушную поласці з пашкоджаннем дыяфрагмы, селязёнкі і верхняга полюса левай ныркі. Пашкоджанне адносіцца да катэгорыі цяжкіх цялесных.

Прабачэння Павел папрасіў, ва ўчынку сваім раскайваецца. Алег дараваў.
Прыгавор суда—тры гады абмежавання волі без накіравання ў папраўчую ўстанову адкрытага тыпу.
Фота для ілюстрацыі.

Святлана РАМАНОЎСКАЯ, 
намеснік пракурора.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 617
  • 0

Злавілі рыбку, ды… залатую

  • 28 февраль 2011, 16:16
  • 94 576
  • 0

Інвестыцыйны форум

  • 23 сентябрь 2011, 10:05
  • 90 603
  • 1

  • 11 февраль 2011, 11:20
  • 43 603
  • 0

Пераброддзе 2012. Погляд вучонага

  • 31 август 2012, 15:19
  • 42 713
  • 0

Кандыдатамі жадаюць стаць

  • 21 август 2012, 15:30
  • 36 754
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 921
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 30 ноября 2020
Геннадий, Григорий, Захар, Иван, Михаил

Именины 29 ноября 2020
Василий, Виктор, Дмитрий, Иван, Макар, Матвей, Михаил, Николай, Сергей, Федор

Госці краін

free counters
Партнеры сайта