Сталыя людзі—у зоне асаблівай рызыкі. Узрост, стан здароўя і нярэдка залішняя даверлівасць робяць іх ахвярамі зламыснікаў і не дазваляюць прыняць дастатковыя меры па захаванасці ўласнай маёмасці. Часам пенсіянеры самі ўпускаюць у дом нячыстых на руку людзей, паколькі тыя ўмеюць выклікаць давер.

Так, у жніўні мінулага года з дома сталай жанчыны ў Міёрах прапалі яе зберажэнні. Крадзеж учыніла жыхарка Пад'ельцаў, якая прапанавала дапамагчы з хатнімі справамі. Пакуль гаспадыня знаходзілася ў іншым пакоі, зламысніца прысвоіла чужое. Прапажу пенсіянерка заўважыла адразу, таму знайсці вінаватага ўдалося, як кажуць, па гарачых слядах.

У лістападзе ў вёсцы Казлоўцы сталая жанчына ўпусціла ў дом цыганку. Тая прыехала з Полацка і прапаноўвала купіць абутак. На вачах у пенсіянеркі  жанчына забрала яе пенсію. Спыніць зламысніцу гаспадыні было не пад сілу. Аднак цыганку затрымалі і пакаралі, згодна з законам.

Падобных прыкладаў можна прывесці шмат, а вывад адзін: захоўваць пільнасць, выконваць элементарныя меры перасцярогі, каб абараніць сябе і сваіх блізкіх ад зламыснікаў. Памятайце пра нескладаныя правілы бяспекі:

*не пакідайце без нагляду сваё жыллё і рэчы. Нават калі выходзіце на хвіліну, зачыняйце дзверы на замок;

*не пакідайце ключы ад дома ў лёгкадаступным месцы;

*не ўпускайце ў дом асоб з крымінальным мінулым і схільных да спіртнога, незнаёмых і малазнаёмых, а таксама асоб цыганскай нацыянальнасці:

*не купляйце "з рук" у невядомых асоб ніякіх тавараў. Яны могуць аказацца скрадзенымі ці няякаснымі;

*пры з'яўленні незнаёмых падазроных асоб, што ходзяць па дамах і прадаюць рэчы, адразу паведамляйце ў міліцыю. Запішыце прыкметы асоб, нумар іх аўтамабіля.

Выконваючы прыведзеныя правілы, абароніце сябе ад крадзяжоў і падману.