Авторизация
 

Беражыце дзяцей

Утапленні займаюць другое месца сярод прычын смерці дзяцей (да 17-гадовага ўзросту) ад няшчасных выпадкаў. У  2012 годзе з 235 здарэнняў са смяртэльным зыходам, якія адбыліся ў Беларусі з непаўналетнімі, 52 трагічныя выпадкі звязаны з бедствам на вадзе. У 2011-ым ад знешніх прычын загінулі 262 дзіцяткі, з іх 44 — тапельцы. У 2010-ым ад няшчасных выпадкаў пайшлі з жыцця 344 хлопчыкі і дзяўчынкі, з іх 83 паглынула вада. Абстаноўка ў вобласці і сёлета складаная: у маі ўтапіліся дзеці ў Пастаўскім, Чашніцкім і Лепельскім раёнах.

 

У адпаведнасці з Дэкрэтам Прэзі-дэнта Рэспублікі Беларусь ад 24 лістапада 2006 года №18 "Аб дадатковых мерах па дзяржаўнай абароне дзяцей у нядобранадзейных сем'ях", у выкананне даручэння намесніка старшыні Віцебскага абласнога выканаўчага камітэта В. В. Цярэнцьева ад 21 мая 2013 года №70-41/67 "Аб мерах бяспекі", распараджэннем Міёрскага райвыканкама ад 24 мая 2013 г. прадугледжана ўзмацненне мер прафілактыкі гібелі дзяцей на вадаёмах.

 

Раённай арганізацыі рэспубліканскага грамадскага аб'яднання "БРТВВ" (С. В. Грыгор'еў) з мэтай строгага выканання правілаў бяспечнага знаходжання дзяцей ля вады, выключэння магчымых няшчасных выпадкаў трэба забяспечыць дзяжурства супрацоўнікаў арганізацыі ў месцах масавага купання непаўналетніх у адкрытых вадаёмах.

Аддзелам адукацыі (В. А. Драба), культуры (А. С. Тронькін), фізічнай культуры, спорту і турызму (А. І. Жук), раённаму камітэту ГА "БРСМ" (М. П. Кашкур), аддзелу ўнутраных спраў (С.М. Лонь) неабходна забяспечыць максімальнае ўцягненне ў арганізаваныя формы адпачынку дзяцей з нядобранадзейных сем'яў, якія знаходзяцца ў сацыяльна небяспечным становішчы і стаяць на ўліку ў інспекцыі па справах непаўналетніх.

 

Важныя задачы ўскладзены на аддзел адукацыі:

       - давесці да ведама кожнага навучэнца, выхаванца ўстановы адукацыі, а таксама іх бацькоў усе выпадкі трагічнага зыходу неарганізаванага купання;

            - папярэдзіць бацькоў, асабліва са шматдзетных і неўладкаваных сем'яў, аб неабходнасці захавання мер бяспекі і правілаў паводзін пры знаходжанні паблізу вадаёмаў і пры купанні; аб адказнасці, якую нясуць дарослыя за асабістае жыццё і дзяцей;

- патрабаваць ад кіраўнікоў устаноў адукацыі недапушчэння бескантрольнасці за арганізацыяй вучэбных заняткаў, выключэння фармалізму ў рабоце па папярэджанні дзіцячага траўматызму і растлумачэння патрабаванняў тэхнікі бяспекі;

- асаблівую ўвагу ўдзяліць кантролю за наведваннем дзецьмі вучэбных заняткаў і пазакласных мерапрыемстваў, аператыўна рэагаваць на факты адсутнасці вучняў на ўроках;

- у перыяд вучэбнага года і летніх канікулаў максімальна выкарыстоўваць магчымасці адкрытых, спецыяльна абсталяваных для купання, вадаёмаў з мэтай правядзення заняткаў з дзецьмі па навучанні іх плаванню.

Шэраг распараджэнняў даведзены аддзелу жыллёва-камунальнай гаспадаркі райвыканкама (Ярахновіч В. А.) і старшыням Дзісенскага і сельскіх выканаўчых камітэтаў:

-   сумесна з раённай арганізацыяй "БРТВВ", УП ЖКГ забяспечыць абследаванне месцаў масавага адпачынку грамадзян на вадзе і ачыстку дна вадаёмаў у зонах купання; пры неабходнасці перагледзець месцы, дзе забаронена купанне, катанне на лодках і іншых плавальных сродках;

 

-       сумесна з грамадскасцю арганізаваць сустрэчы з насельніцтвам па месцы жыхарства і інфармаваць грамадзян аб правілах паводзін на вадзе і неабходнасці кантролю за арганізацыяй вольнага часу непаўналетніх;

-  у найбольш актыўны для купання час арганізаваць дзяжурства членаў добраахвотных дружын, дарослых, прадстаўнікоў грамадскасці.

 

Асвятляць пытанні бяспекі на вадзе і паблізу адкрытых вадаёмаў, інфармаваць насельніцтва пра здарэнні, якія адбываюцца на вадаёмах з-за ігнаравання правіламі паводзін на вадзе, пра праводзімыя арганізацыямі і грамадскасцю мерапрыемствы па папярэджанні ўтапленняў дзяцей — унёсак у агульную важную справу рэдакцыі  раённай газеты і радыёвяшчання.

 

З наступленнем летніх канікулаў прафілактыка гібелі непаўналетніх на вадаёмах набывае асаблівую актуальнасць. І варта яшчэ раз усім нагадаць, што захаванне жыцця дзяцей — справа кожнага. На жаль, нярэдка менавіта з-за раўнадушша, абыякавасці да паводзін дзяцей з боку дарослых і адбываюцца трагічныя здарэнні на вадаёмах.

 

Э. БЛАЖЭВІЧ.

 

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 29 сентября 2021
Алексей, Виктор, Григорий, Иосиф, Сергей, Людмила

Именины 28 сентября 2021
Андрей, Виссарион, Герасим, Григорий, Дмитрий, Иван, Игнатий, Иосиф, Леонид, Макар, Максим, Никита, Николай, Петр, Порфирий, Степан, Федот, Евдокия, Людмила, Мария, Яков, Семен

Госці краін

free counters
Партнеры сайта