У райцэнтры пажары пашкодзілі жылы дом і гаспадарчую пабудову.

Паведамленне пра пажар на вуліцы Вясенняй выратавальнікі прынялі 28 студзеня у 20:08. Агонь пашкодзіў дах, столь, сцены і маёмасць на другім паверсе, часткова закрануў першы паверх. Прычына здарэння ўстанаўліваецца. У ліку версій – парушэнне правіл эскплуатацыі печаў, цеплагенеруючых агрэгатаў і прыстасаванняў. Гаспадар, які пражывае адзін, не пацярпеў.

Пра загаранне пабудовы ў двары 12 лютага ў 12.14 паведаміла на 101 сама гаспадыня. Згарэлі дах і маёмасць, што знаходзілася ў збудаванні. Прычыны высветліць праверка.

Нагадваем пра асцярожнае абыходжанне з печамі. Эксплуатаваць можна толькі спраўныя, не пакідаць без нагляду і перыядычна правяраць іх стан.

Вольга ГІРЖДА, інспектар РАНС.

Фота для ілюстрацыі.