О том как не допустить электротравматизм рассказал инспектор Миорской районной энергогазинспекции Валерий Селицкий

 Колькасць бытавога абсталявання расце, яго магутнасць павялічваецца. Пры гэтым трэба памятаць, што электрычны ток – наш памочнік толькі пры правільнай эксплуатацыі абсталявання і прыбораў.


Пры нармальным рэжыме работы, правільнай эксплуатацыі і якасці выкананых работ па электраўстаноўцы ніякай пагрозы жыццю няма. Небяспечная сітуацыя можа ўзнікнуць пры судакрананні чалавека з элементамі абсталявання, прыстасаванняў, прыбораў, якія з-за пашкоджання ізаляцыі знаходзяцца пад напругай. Перагрузка ў электрасетцы з-за ўключэння вялікай колькасці магутных электрапрыёмнікаў ці кароткае замыканне могуць прывесці да пажару.


Каб выключыць магчымасць бытавога электратраўматызму, неабходна выконваць нескладаныя правілы:

v  не дапускаць да эксплуатацыі выключальнікі і разеткі, у тым ліку на падаўжальніках, без корпусу, ці пашкоджаныя (аплаўленыя, расколатыя);

v  электрапрыборы і электраўстановачныя вырабы павінны быць завадской вытворчасці, забараняецца эксплуатаваць самаробныя абагравальнікі, свяцільні, падаўжальнікі і г. д.;

v  правады электрапрыбораў нельга зашчамляць мэбляй, дзвярыма, яны не павінны дакранацца да газавых труб і батарэй ацяплення;

v  не дапускаецца эксплуатацыя аголеных ці пашкоджаных, аплаўленых ці з трэшчынамі электрычных правадоў, кабеляў;

v  перад выкарыстаннем электрапрыбора ўважліва прачытайце інструкцыю па эксплуатацыі і строга выконвайце ўсе патрабаванні бяспекі;

v  не забывайцеся, што большасць бытавых электрапрыбораў не прызначаны для выкарыстання ў ванных, іншых вільготных памяшканнях, а таксама на вуліцы.


Выконвайце правілы, і вашаму жыццю і здароўю нічога не будзе пагражаць.


Валерый Сяліцкі, інспектар раённай энергагазінспекцыі.

Фота для ілюстрацыі.

0 комментариев

Добавить комментарий

Информация
Комментировать статьи на сайте возможно только в течении 360 дней со дня публикации.