Авторизация
 

Дзецiі за рулёем

 Маленькія хлопчыкі любяць гуляць у машынкі. Калі падрастаюць, імкнуцца хутчэй сесці за руль сапраўднага аўтамабіля ці матацыкла. Адсутнасць правоў не стрымлівае жадання пракаціцца. Камусьці шанцуе атрымаць асалоду ад паездкі і не трапіць у поле зроку інспектара ДПС. Аднак не ўсім.

 

На камісіі па справах непаўналетніх райвыканкама ў 2020 годзе пазнаёміліся з чатырма юнымі кіроўцамі-бяспраўнікамі. Сёлета з пачатку года такіх пяць.
Прывядзём некалькі прыкладаў.
v Познім студзеньскім вечарам у райцэнтры супрацоўнікі ДАІ спынілі аўтамабіль. За рулём знаходзіўся непаўналетні. 15-гадовы падлетак патлумачыў, што аўто належала яго знаёмаму, які не меў вадзіцельскага пасведчання, а таму не мог сесці за руль. Хлопец вырашыў дапамагчы: адагнаць машыну да дома таварыша. Думаў, усё абыдзецца. Не атрымалася.
v 16-гадовы жыхар Осцевіч прыцягнуў увагу інспектараў ДПС, калі ехаў у накірунку Дзісны на мапедзе з пасажырам. Па словах хлопца, мапед тата купіў яму з умовай, што паедзе на ім толькі тады, калі атрымае правы. Употай ад бацькоў падлетак узяў жалезнага каня і разам са сваім знаёмым сабраўся пракаціцца ў Дзісну. Не даехаў.

 
v Сям’я міярчан вярталася ўвечары з дачы. Надвор’е добрае, сустрэчных аўто няма. 12-гадовы сын папрасіў тату даць паруліць. Бацька ўступіў падлетку месца вадзіцеля, а сам сеў побач на пасажырскае. Праз некаторы час на ціхай сельскай дарозе сустрэліся з патрульнай машынай ДАІ. Урок кіравання не адбыўся.
v На нумар 102 паступіла паведамленне пра падазроную машыну, што каталася на плошчы ля РДК у райцэнтры. Праз некаторы час аўто спынілі на Камуністычнай. За рулём знаходзіўся
юнак-бяспраўнік, пасажырам быў гаспадар аўто. Ён папрасіў хлопца завезці на вадаспад. Да пункта прызначэння не даехалі.
– Кіраванне транспартнымі сродкамі без правоў з’яўляецца адміністрацыйным правапарушэннем, за якое прадугледжана адказнасць. У адносінах да непаўналетніх прыярытэт выхаваўчым мерам. Да таго ж важна адзначыць, што адміністрацыйную адказнасць падлеткі нясуць з 16-ці гадоў. Калі за рулём выяўляюць бяспраўнікаў маладзей гэтага ўзросту, справу не заво- дзяць, аднак выхаваўчая гутарка ў любым выпадку адбываецца, – адзначае намеснік старшыні КСН Алена Пацеенак. – Да кожнай сітуацыі падыходзім індывідуальна. Перш чым выклікаць непаўналетняга парушальніка на камісію, знаёмімся з ім, так бы мовіць, завочна. Вывучаем характарыстыку, умовы пражывання і выхавання. У якасці пакарання часцей за ўсё выбіраем папярэджанне, паколькі ўласнага даходу падлеткі не маюць. Такую меру прынялі да школьніка, што сабраўся на мапедзе ў Дзісну. Студэнту, які вёз знаёмага на вадаспад, прызначылі штраф. Кожны бяспраўнік на працягу года знаходзіцца на ўліку раённай інспекцыі па справах непаўналетніх і ва ўстанове адукацыі, дзе навучаецца.

 
Бываюць выпадкі, калі непаўналетняга пазбаўляюць ад адміністрацыйнай адказнасці. Напрыклад, такое рашэнне прынялі ў адносінах да старшакласніка з Чапукоў. Супрацоўнікі ДАІ спынілі юнака на веласіпедзе з падвясным рухавіком. Тое, што на такі транспарт патрэбны вадзіцельскія правы, для хлопца стала навіной. Лічыў, што на ім можна ехаць свабодна, як на электравеласіпедзе. Непаўналетні станоўча характарызуецца ў школе, няма пытанняў да яго бацькоў, правапарушэнне ўчынена не наўмысна. З улікам гэтых фактараў адміністрацыйную справу спынілі.
– Падлеткам, якія садзяцца за руль мапеда, матацыкла, аўтамабіля, перш чым кудысьці скіравацца, трэба падумаць пра наступствы такіх паездак, – заўважае Алена Уладзіміраўна. – Важна ўсведамляць, што кіраванне транспартнымі сродкамі без вопыту і адпрацаваных навыкаў тоіць у сабе небяспеку. Сустрэча на дарозе з супрацоўнікамі ДАІ цягне за сабой дадатковыя непрыемнасці як для юнага кіроўцы, так і для яго бацькоў. Усяму свой час: спачатку трэба атрымаць вадзіцельскія правы, а затым – за руль.

 

Кацярына РЫНКЕВІЧ

Фота для ілюстрацыі

рейтинг: 
Пакінуць каментар
иконка
Посетители, находящиеся в группе Гости, не могут оставлять комментарии к данной публикации.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 30 января 2022
Антон, Виктор, Георгий, Иван, Павел, Савелий, Антонина

Именины 29 января 2022
Иван, Максим, Петр, Неонила

Госці краін

free counters
Партнеры сайта