Штогод у краіне здараюцца надзвычайныя выпадкі, калі спажыўцы і карыстальнікі самавольна адключаюць і падключаюць балоны, газавыкарыстальнае абсталяванне.

Нагадваем правілы:
карыстальнікам звадкаванага газу ў 50-літровых балонах можа быць уласнік або наймальнік жылога памяшкання, які заключыў з газазабяспечвальнай арганізацыяй дагавор куплі-продажу вуглевадароднага газу, тэхнічнага абслугоўвання індывідуальнай балоннай устаноўкі і газавыкарыстальнага абсталявання, прайшоў інструктаж па Правілах карыстання газам у быце;

газавыя 50-літровыя балоны належаць выкарыстанню толькі пры падключэнні да індывідуальнай балоннай устаноўкі;
пры замене газавых балонаў вядзецца строгі ўлік: нумар балона павінен адпавядаць нумару, указанаму ў ведамасці на дастаўку, да таго ж яго апламбіруюць.

ЗАБАРОНЕНА:
зліваць звадкаваны вуглевадародны газ з балона і награваць яго;
эксплуатаваць балон з уцечкамі газу, механічнымі пашкоджаннямі і гумоватканіннымі рукавамі з трэшчынамі;

перадаваць балон іншым асобам;
замяняць балоны без пасведчання на права самастойнай замены;
выкарыстоўваць газ у балонах для іншых мэт, акрамя прыгатавання ежы;
захоўваць непадключаныя балоны.

Невыкарыстоўваемыя 50-літровыя балоны можна здаць за аплату ў Міёрскі раён газазабеспячэння. Звяртайцеся па пытаннях мантажу, рэгістрацыі ўстановак на нумар 4 12 90.

Фота для ілюстрацыі.
Канстанцін МАТЭЛЕНАК, начальнік Міёрскага РГЗ.