Авторизация
 

Здарэнні ў верасні

 З 1 па 15 верасня ў аператыўна-дзяжурную службу РАУС паступіла 151 паведамленне і заява пра ўчыненыя правапарушэнні і злачынствы. Узбуджана 8 крымінальных спраў. Складзены 223 пратаколы аб адміністрацыйных правапарушэннях.

Злодзей-гастралёр

2 верасня ўзбуджана крымінальная справа па факце крадзяжу шліфавальнай машынкі ў жыхара Язненскага сельсавета. Інструмент прапаў з вагончыка на падворку. Урон ацанілі ў 300 рублёў. Устаноўлена, што крадзеж учыніў жыхар горада Шклова Магілёўскай вобласці, які часова знаходзіўся ў вёсцы.

Нечакана
апусцеў кашалёк

80 рублёў прапалі з кашалька міярчанкі, калі яна знаходзілася ў доме знаёмых на тэрыторыі Міёрскага сельсавета. Крымінальная справа ўзбуджана 3 верасня. Асоба зламысніка ўстанаўліваецца.

Прыхапіў
чужы мабільны

Мабільны тэлефон і зараднае прыстасаванне ўкралі з дома жыхара Міёрскага сельсавета. Злодзея знайшлі. Гэта раней судзімы мясцовы жыхар, які нідзе не працуе. У адносінах да яго 5 верасня ўзбуджана крымінальная справа. Украдзенае канфіскавана.

На дачу за посудам

Крымінальная справа па факце крадзяжу на дачы ў Туркоўскім сельсавеце ўзбуджана 5 верасня. З гаспадарчай пабудовы прапаў металічны посуд. Устаноўлена, што на чужое дабро паквапіўся мясцовы жыхар, які нідзе не працуе. Частка ўкрадзенага канфіскавана.

Старонку «Укантакце»
ўзламалі

5 верасня ў міліцыю звярнулася мінчанка з паведамленнем пра заблакіраваную асабістую старонку «Укантакце». У гэты час яна знаходзілася ў гасцях у Новапагосцкім сельсавеце, таму і паведаміла ў раённы аддзел унутраных спраў. На наступны дзень узбудзілі крымінальную справу па артыкуле 349 «Несанкцыянаваны доступ да камп'ютарнай інфармацыі».

Махляр з Ушач

10 верасня ўзбуджана крымінальная справа па артыкуле 209 «Махлярства» ў адносінах да раней судзімага жыхара Ушач. Падманваючы давер міярчанкі, ён загадаў апошняй аформіць крэдыты ў банках і растэрміноўкі ў гандлёвых аб’ектах. Грошы забраў сабе і вяртаць не збіраўся. Агульная сума склала больш за 15 000 рублёў.

Калі дзеці –
не галоўнае

Двух дзяцей жыхаркі Міёр прызналі маючымі патрэбу ў дзяржаўнай абароне і забралі з сям’і. Жанчыну абавязалі выплочваць сродкі на іх утрыманне. Аднак ад свайго абавязку яна ўхілялася. Больш за дзесяць дзён не выходзіла на працу без уважлівых прычын. 13 верасня ў адносінах да яе ўзбуджана крымінальная справа. Цяпер гора-маці знаходзіцца ў лячэбна-працоўным прафілакторыі.


У аператыўна-дзяжурную службу РАУС сталі часцей паступаць званкі пра грыбнікоў і ягаднікаў, што заблукалі ў лесе. Збіраючыся на ціхае паляванне, абавязкова вазьміце з сабой зараджаны мабільны тэлефон, апраніце яркае адзенне.

Фота для ілюстрацыі.
Дзмітрый ХОМІЧ, начальнік штаба
раённага аддзела ўнутраных спраў.
Аляксандр ФУРС, начальнік
раённага аддзела Следчага камітэта.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 17 июня 2021
Иван, Митрофан, Назар, Петр, Ростислав, Мария, Марфа, Софья

Именины 16 июня 2021
Денис, Дмитрий, Лукьян, Михаил, Павел, Юлиан, Афанасий

Госці краін

free counters
Партнеры сайта