Авторизация
 

Грэбаванне правіламі электрабяспекі прыводзіць да трагедый

 Дотык да аголеных правадоў смяротна небяспечны, а высокае напружанне паражае нават на адлегласці. Не рызыкуйце сваім жыццём.

Няшчасны выпадак адбыўся ў Мінскай вобласці. Двое маладых людзей прыехалі ў суседняе сяло. Машыну і мабільныя тэлефоны пакінулі прыкладна за паўкіламетра ад высакавольтавай лініі электраперадачы. 22-гадовы хлопец падняўся па падкосе вуглавой апоры да правадоў напругай 10 тысяч вольт, і яго ўдарыла токам. Сябар выклікаў хуткую дапамогу, медыкі толькі канстатавалі смерць. Цяпер следчыя высвятляюць, што маладыя людзі рабілі ля паветранай лініі.


На летніх канікулах у дзяцей шмат вольнага часу. Экстрым, цікаўнасць, неасцярожнасць і неразуменне небяспекі могуць прывесці да бяды. Пацверджанне таму – няшчасны выпадак у Петрыкаўскім раёне. Сэлфі за незачыненымі дзвярыма трансфарматарнай падстанцыі ледзь не каштавала жыцця падлетку.


У сувязі з гэтым нагадаем асноўныя правілы электрабяспекі. Забаронена ўзнімацца на дахі дамоў і пабудоў, дзе паблізу праходзяць электрычныя правады, гуляць пад паветранымі лініямі і побач з трансфарматарнымі падстанцыямі, разбіваць лямпы вулічнага асвятлення і ізалятары на апорах, накідваць на правады дрот ці іншыя прадметы.


Нельга датыкацца да правіслых ці ляжачых на зямлі правадоў. Калі знайшлі іх, арганізуйце ахову месца пашкоджання, папярэдзьце акружаючых і адразу паведаміце пра небяспеку ў энергаслужбу бліжэйшага прадпрыемства або дыспетчару энергасетак.
Вялікую небяспеку ўяўляе пранікненне ў размеркавальныя ўстройствы, трансфарматарныя падстанцыі, сілавыя шчыты і зборкі. Як правіла, на іх размешчаны папераджальныя знакі ці плакаты пра небяспеку паражэння электрычным токам.


Важна памятаць, што бытавыя электрапрыборы прызначаны толькі для выкарыстання ў памяшканнях з неправодзячай ток падлогай. Уключэнне магнітафонаў, свяцільняў на адкрытым паветры можа выклікаць электратраўму, бо зямля – праваднік току.


Ні ў якім выпадку не пакідайце дзяцей без нагляду побач з электраўстаноўкамі. Калі хтосьці аказаўся пад напругай, тэрмінова вызваліце яго ад уздзеяння электратоку. Адключыце сетку ці ўстаноўку рубільнікам, выключальнікам, выцягніце вілку з разеткі, выкруціце пробкі. Пасля гэтага пакладзіце пацярпелага на спіну, забяспечце прыток свежага паветра, дайце панюхаць нашатырны спірт. Тэрмінова выклікайце хуткую дапамогу.

Фота для ілюстрацыі.
Уладзімір ТОМКА,
начальнік раённай
энергаінспекцыі.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 18 апреля 2021
Алексей, Георгий, Марк, Николай, Платон, Семен

Именины 17 апреля 2021
Адриан, Вениамин, Георгий, Иван, Иосиф, Никита, Николай, Федор, Мария

Госці краін

free counters
Партнеры сайта