Авторизация
 

У веласіпеда новы гаспадар і прыбытак з чужога кашалька

 З 1 па 10 жніўня ў аператыўна-дзяжурную службу РАУС паступілі 92 паведамленні і заявы пра ўчыненыя правапарушэнні і злачынствы. Узбуджана пяць крымінальных спраў. Складзена 206 пратаколаў аб адміністрацыйных правапарушэннях.

У веласіпеда новы гаспадар
Веласіпед укралі з гаража ў Павяцкім сельсавеце. У пабудову праніклі, вырваўшы дзвярны прабой. На момант злачынства гаспадар дома адсутнічаў. Калі выявіў крадзеж, звярнуўся ў міліцыю. Веласіпед належыў яго ўнуку. Урон ацаналі ў 150 рублёў. 2 жніўня ўзбуджана крымінальная справа. Асоба зламысніка ўстанаўліваецца.

Прыбытак з чужога кашалька
Пенсіянер з Масквы прыехаў да родных у вёску ў Язненскім сельсавеце. Сустрэчу з блізкімі азмрочыла непрыемнасць. З сумкі госця, якую пакінуў на паліцы ў пярэднім пакоі, прапалі грошы. 7 050 расійскіх рублёў і 100 беларускіх. На чужое дабро спакусілася мясцовая пенсіянерка. Раней не судзімая. У адносінах да яе 2 жніўня ўзбуджана крымінальная справа. Украдзеная сума не канфіскавана.


Заплаціў за выдуманую работу
Крымінальная справа па факце махлярства ўзбуджана 3 жніўня ў адносінах да жыхара Полацка, які з’яўляецца кіраўніком будаўнічай арганізацыі. Як высветліла група па барацьбе з эканамічнымі злачынствамі Міёрскага РАУС, у чэрвені 2016 года арганізацыя праводзіла будаўніча-мантажныя работы ў жыхара Завуццеўскага сельсавета на аснове дагавора. Аднак у каштарыс унеслі работы, якія на самой справе не выконвалі, і матэрыялы, што не выкарыстоўваліся. Заказчык пераплаціў 3 182 беларускія рублі (з улікам дэнамінацыі).

Буйны пакупнік
Міярчанін знаходзіўся ў магазіне “Бярозка” ў стане алкагольнага ап’янення. Крычаў, выказваў нецэнзурныя словы ў адрас прадаўца. На хулігана склалі адміністрацыйны пратакол і пакаралі штрафам у дзве базавыя велічыні.

Абцяжарвальнікі забралі лёгка
У міярчаніна ўкралі з гаража два абцяжарвальнікі для мотаблока. Кожны вагой у 20 кілаграм. Праніклі ў пабудову без цяжкасцей — замок на дзвярах адсутнічаў. Гаспадару прычынены ўрон на 94 рублі. 6 жніўня па факце крадзяжу ўзбуджана крымінальная справа. Устанаўліваецца асоба зламысніка.

Спазніўся з перарэгістрацыяй
Штраф — 98 рублёў. Такое адміністрацыйнае пакаранне панёс уладальнік паляўнічай стрэльбы з Туркоўскага сельсавета. Ён парушыў устаноўленыя тэрміны перарэгістрацыі зброі. Правапарушэнне караецца штрафам ад чатырох да пятнаццаці базавых велічынь.

У сетку трапіў сам
Жыхар Павяцкага сельсавета паставіў дзве сеткі на возеры. Такое паведамленне паступіла ў Міёрскі РАУС з Браслаўскай міжраённай інспекцыі аховы жывёльнага і расліннага свету. Сёлета ў красавіку аматара лёгкай рыбалкі прыцягвалі да адміністрацыйнай адказнасці за падобнае правапарушэнне. На другі раз — крымінальная справа па артыкуле 281 “Незаконная здабыча рыбы або іншых водных жывёл”. Магчымае пакаранне — ад штрафу да арышту.

Дзмітрый ХОМІЧ, начальнік

штаба раённага аддзела
ўнутраных спраў.
Аляксандр ФУРС, начальнік

раённага аддзела
Следчага камітэта.

рейтинг: 
Пакінуць каментар
иконка
Посетители, находящиеся в группе Гости, не могут оставлять комментарии к данной публикации.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 8 августа 2022
Игнатий, Моисей, Сергей, Федор, Прасковья

Именины 7 августа 2022
Александр, Макар, Николай, Анна, Ираида

Госці краін

free counters
Партнеры сайта