Авторизация
 

Не жартуйце з газам!

 Бяспека пры карыстанні газам залежыць ад некалькіх фактараў. У першую чаргу — ад стану сістэмы газазабеспячэння і абсталявання. Таму распрацаваны комплекс тэхнічнага абслугоўвання.

У жылых шматкватэрных і індывідуальных дамах адзін раз у дзесяць гадоў выконваюць поўнае тэхнічнае абслугоўванне. Спецыялісты адключаюць падачу газу і выпрабоўваюць унутрыдамавую сістэму газазабеспячэння на герметычнасць. У жыллі, дзе ўстаноўлены газавыя праточныя воданагравальнікі, тэхнічнае абслугоўванне праводзяць штогод. Тыя ж патрабаванні і да дамоў з газавымі ацяпляльнымі катламі. Работнікі раёна газазабеспячэння правяраюць аўтаматыку бяспекі і злучэнні на ўцечку, ачышчаюць асноўныя элементы.


Нярэдка сутыкаюцца з праблемай, што не могуць трапіць у кватэру. Калі за зачыненымі дзвярыма хаваецца тэхнічнае парушэнне або няспраўныя газавыя прыборы, пад пагрозай усе жыхары будынка. Між тым забяспечыць спецыялісту доступ да абсталявання для тэхнічнага абслугоўвання і своечасова аплаціць работы — абавязак спажыўца згодна з Правіламі карыстання газам у быце.


З другога боку, бяспека пры карыстанні газам залежыць ад тэхнічнага стану дымавых і вентыляцыйных каналаў. З-за іх паступовага старэння парушаецца герметычнасць і цэласнасць, знікае цяга. Таму дымавыя і вентыляцыйныя каналы неабходна перыядычна правяраць і прачышчаць.


Асабліва перад ацяпляльным сезонам, калі выкарыстоўваеце газавае абсталяванне, праточныя газавыя воданагравальнікі. Прычым няважна, з якога матэрыялу яны выраблены. Кірпічныя вентыляцыйныя каналы правяраюць не радзей за адзін раз у квартал. Азбестацэментавыя, ганчарныя, сталёвыя і са спецыяльных блокаў гарачатрывалага бетону — кожны год. Неабходна абследаваць вентыляцыйныя і дымавыя каналы пасля рамонту, незалежна ад таго, калі праходзіла апошняя праверка.


Міёрскі раён газазабеспячэння набірае грамадзян для навучання самастойнай праверцы і прачыстцы дымавых і вентыляцыйных каналаў у індывідуальных газіфікаваных жылых дамах. Запіс па тэлефонах 4 93 08 (кантралёр), 4 10 04 (прыём заказаў).
Трэці фактар бяспекі залежыць ад саміх спажыўцоў. Гэта захаванне Правіл карыстання газам у быце.


Часам пры тэхнічным абслугоўванні работнікі газазабяспечвальнай арганізацыі вымушаны адключаць абсталяванне. Уяўляюць пагрозу ўцечкі газу няспраўная аўтаматыка бяспекі, дымавыя і вентыляцыйныя каналы, разбураныя агалоўкамі дымавых труб. Таму своечасова замяняйце газавыкарыстальнае абсталяванне, сачыце за станам каналаў.


У рэспубліцы дзейнічае кароткі нумар 104. Набірайце яго, калі адчулі пах газу. Перакрыйце газ, праветрыце памяшканне. Пры гэтым нельга ўключаць і выключаць электрапрыборы, карыстацца электразванком, курыць, запальваць агонь. Выйдзіце на вуліцу і выклічце аварыйную службу.


Згодна з артыкулам 20.9 Кодэкса Рэспублікі Беларусь ад адміністрацыйных правапарушэннях, невыкананне Правіл карыстання газам у быце, якое не нанесла значнага ўрону, прыводзіць да штрафа ад чатырох да дваццаці базавых велічынь.

Фота для ілюстрацыі.
Канстанцін МАТЭЛЕНАК,
начальнік Міёрскага РГЗ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 8 мая 2021
Василий, Марк, Сергей

Именины 7 мая 2021
Алексей, Валентин, Иннокентий, Иосиф, Леонтий, Николай, Сергей, Елизавета

Госці краін

free counters
Партнеры сайта