Чтобы голубое топливо НЕ обожгло

 Праветрывайце памяшканне, дзе ўстаноўлена газавыкарыстальнае абсталяванне. Перш чым яго ўключыць, упэўніцеся, што ўсе краны зачынены. Пастаянна адчыненымі павінны быць рашоткі вентыляцыйных каналаў. У кватэрах падчас работы газавыкарыстальнага абсталявання забяспечце вентыляцыю і прыток свежага паветра. Выконвайце патрабаванні, пазначаныя ў пашпартах (інструкцыях) заводаў-вытворцаў.

Падчас экслупатацыі газавых пліт неабходна:
- пастаянна сачыць за плітой. У каструлях закіпела — зменьшыце полымя;
- правяраць праз акно на дзверках гарэлкі ў духавой шафе. Калі полымя патухла, зачыніце кран гарэлкі духавой шафы, праветрыце яе, зноў запаліце;
- перыядычна прамываць мыючымі сродкамі гарэлкі газавай пліты, іх каўпачкі, рашоткі, падгарэлачныя лісты і іншыя часткі пліты.


Калі ў памяшканні з'явіўся пах газу, трэба адразу:
- перакрыць краны;
- адчыніць вокны;
- паведаміць у аварыйную газавую службу па нумары 104;
- выдаліць з памяшкання людзей і хатніх жывёл.
Нельга запальваць агонь, курыць, уключаць і выключаць асвятленне і электрапрыборы, карыстацца электразванкамі.


ЗАБАРОНЕНА:
- карыстацца газавымі плітамі дзецям да 12 год, іншым газавыкарыстальным абсталяваннем — дзецям да 14 год; асобам у стане алкагольнага ці наркатычнага ап'янення; тым, хто не прайшоў інструктаж і не ведае правілы бяспечнага карыстання гэтым абсталяваннем;
- карыстацца няспраўным абсталяваннем і пры выяўленні паху газу,
- пакідаць адчыненымі вентылі балонаў (калі балон устаноўлены ў памяшканні), краны перад газавыкарыстальным абсталяваннем і на ім пасля эксплуатацыі;
- пакідаць без нагляду газавыкарыстальнае абсталяванне падчас яго работы (акрамя таго, якое разлічана на бесперапынную работу і абсталявана адпаведнай аўтаматыкай бяспекі);
- выкарыстоўваць газавыкарыстальнае абсталяванне, прызначае для прыгатавання ежы, у якасці абагрэву памяшканняў;
- самавольна падключаць і адключаць газавыкарыстальнае абсталяванне, перастаўляць яго з прымяненнем зваркі, перападключаць на гуматканінны рукаў, разбіраць і рамантаваць, умешвацца ў работу прыбораў уліку расходу газу;
- нагружаць і выкарыстоўваць у якасці апор газаправоды, прывязваць да іх вяроўкі;
- сушыць рэчы над полымем гарэлак газавай пліты;v спаць у памяшканнях, дзе ўстаноўлена газавыкарыстальнае абсталяванне;
- прымяняць агонь, каб выявіць уцечку газу;
- далучаць да газавыкарыстальнага абсталявання самаробныя гарэлкі і іншыя прыстасаванні;
- зрываць пломбы, устаноўленыя газазабяспечвальнымі арганізацыямі на прыборах уліку расходу газу, адключальных прыстасаваннях, газавыкарыстальным абсталяванні і самавольна падключаць яго пасля адключэння газазабяпечвальнымі арганізацыямі.

Фота для ілюстрацыі.
Алег ГРЭЦКІ,
начальнік Міёрскага РГЗ.

0 комментариев

Добавить комментарий

Информация
Комментировать статьи на сайте возможно только в течении 360 дней со дня публикации.