Авторизация
 

Штогод у Беларусі ўзрываецца звыш дзесяці бытавых катлоў

 Штогод у Беларусі ўзрываецца звыш дзесяці бытавых катлоў. Гінуць людзі. Асноўная колькасць здарэнняў адбываецца ў пачатку ацяпляльнага сезона. Ноччу слупок тэрмометра апускаецца. Замярзаюць трубаправоды і пашыральныя бакі, не цыркулюе вада. Цяпер чакаюцца маразы. Каб папярэдзіць узрывы бытавых катлоў, выконвайце наступныя рэкамендацыі:

- упэўніцеся, што запорныя прыстасаванні на падаючым і адваротным трубаправодах адкрыты, распаветрана сістэма ацяплення. Выдаліце кандэнсат з ніжняй кішэні дымавой трубы;
- агледзьце агалоўкі дымавых труб і ўпэўніцеся, што яны не замёрзлі і не закаркаваліся;
- да пачатку распальвання катла адкрыйце лінію падсілкоўвання сістэмы ацяплення і кантрольную лінію запаўнення пашыральнага бака. Ціск на манометры, устаноўленым на катле, не павінен расці;
- калі з кантрольнай лініі запаўнення пашыральнага бака не пайшла вада, а ціск вады ў катле расце і дасягае ціску ў водаправоднай сетцы, значыць, сістэма ацяплення замёрзла. Кацёл распальваць нельга!!!


Калі сістэма ацяплення замёрзла:
- вызначце месца замярзання ацяпляльнай сістэмы;
- адагрэйце яго;
- калі з кантрольнай лініі (пры адкрытай падсілкавальнай лініі) пацячэ вада, паступова распальвайце кацёл. Кантралюйце ціск вады ў катле па манометры.
Калі ціск вады ў катле набліжаецца да максімальна дапушчальнага:
- тэрмінова спыніце падачу паліва ў кацёл;
- выдаліце з катла ў бяспечнае месца і заліце вадой рэшткі паліва, якое гарыць.
Рэкамендуецца да пачатку ацяпляльнага сезона:
- ачысціць паверхні ўнутры катла і коміны ад сажы. Пры неабходнасці адрамантаваць іх;
- правесці рэвізію або замяніць на спраўную запорную і ахоўную арматуру;
- прамыць сістэму ацяплення і запоўніць яе вадой;
- упэўніцца, што кацёл і сістэма ацяплення герметычныя;
- цеплаізалязаваць трубаправоды і пашыральны бак, якія знаходзяцца на гарышчы і ў памяшканнях, што не ацяпляюцца.
Калі распальваеце кацёл, упэўніцеся, што:
- цыркуляцыя цепланосьбіта забяспечана;
- ціск па манометры на катле адпавядае норме;
- каналы коміна свабодныя.


Забаронена:
- выкарыстоўваць самаробныя катлы, якія не абсталяваны аўтаматыкай бяспекі і кантрольна-вымяральнымі прыборамі;
- распальваць кацёл, калі вада ў ацяпляльнай сістэме не цыркулюе;
- эксплуатаваць кацёл з няспраўнымі манометрам і ахоўнымі прыладамі;
- захоўваць побач з катлом гаручыя матэрыялы.
Рэкамендуецца мантаж бытавых воданагравальных катлоў і ацяпляльнай сістэмы рабіць толькі сіламі спецыялізаваных арганізацый. Работнікі, якія выконваюць мантаж і наладку катлоў, павінны праводзіць навучанне карыстальнікаў і адзначаць гэта ў пашпарце катла.


Пры атручванні ўгарным газам:
- вынесіце пацярпелага на свежае паветра, цёпла ахініце і не давайце заснуць;
- выклікайце хуткую медыцынскую дапамогу;
- пры страце прытомнасці дайце панюхаць нашатырны спірт.
Прыкметы атручвання: цяжкасць у галаве, моцнае сэрцабіццё, шум у вушах, галавакружэнне, агульная слабасць, млоснасць, ванітаванне, задышка, парушэнне апорных функцый.
Сачыце за станам ацяпляльнай сістэмы і катла. Беражыце сябе і блізкіх!


Уладзімір ПАПОЎ, вядучы інспектар

Наваполацкай інспекцыі Дзяржпрамнагляду.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 625
  • 0

Злавілі рыбку, ды… залатую

  • 28 февраль 2011, 16:16
  • 94 909
  • 0

Інвестыцыйны форум

  • 23 сентябрь 2011, 10:05
  • 90 671
  • 1

  • 11 февраль 2011, 11:20
  • 43 642
  • 0

Пераброддзе 2012. Погляд вучонага

  • 31 август 2012, 15:19
  • 42 721
  • 0

Кандыдатамі жадаюць стаць

  • 21 август 2012, 15:30
  • 36 764
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 922
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 5 декабря 2020
Алексей, Архип, Борис, Василий, Владимир, Герасим, Иван, Илья, Максим, Марк, Михаил, Павел, Петр, Фаддей, Федор, Прасковья, Афанасий, Яков

Именины 4 декабря 2020


Госці краін

free counters
Партнеры сайта