Авторизация
 

У Міёрскі РАУС паступіла 50 паведамленняў і заяў

 З 25 па 31 ліпеня ў аператыўна-дзяжурную службу РАУС паступіла 50 паведамленняў і заяў пра ўчыненыя правапарушэнні і злачынствы. Узбуджана пяць крымінальных спраў. Складзена 257 пратаколаў аб адміністрацыйных правапарушэннях.

Украдзены грошы
У вёсцы Лыска Завуццеўскага сельсавета ўчынены крадзеж з пранікненнем у жыллё. Невядомая асоба ўвечары забралася ў жылы дом, выставіўшы шкло ў аконнай раме. Знікла 505 рублёў. Крымінальная справа ўзбуджана 25 ліпеня. Ідзе следства.


Нагляд не вытрымаў
Раней судзімы жыхар Туркоўскага сельсавета сёлета са студзеня знаходзіўся пад прэвентыўным наглядам. Згодна з патрабаваннямі суда, павінен быў знаходзіцца ў сваім жыллі з 21.00 да 6.00, перыядычна з'яўляцца на рэгістрацыю ў крымінальна-выканаўчую інспекцыю РАУС. Прытрымлівацца правіл у мужчыны не атрымалася. 26 ліпеня ў адносінах да яго ўзбуджана крымінальная справа за парушэнне патрабаванняў прэвентыўнага нагляду.


Насмецілі падлеткі
Трое непаўналетніх 27 ліпеня бавілі час у альтанцы ў адным з двароў райцэнтра. Культурным адпачынак не назавеш, бо пасля сябе пакінулі смецце. За што і атрымалі пратаколы па артыкуле 17.1 КаАП "Дробнае хуліганства". Пакаранне вызначыць камісія па справах непаўналетніх.

Выпадковая бойка
28 ліпеня ўзбуджана крымінальная справа па частцы 2 артыкула 149 "Наўмыснае прычыненне менш цяжкага цялеснага пашкоджання". Двое навапалачан, адзін з якіх непаўналетні, пабілі 57-гадовага жыхара Перабродскага сельсавета. Гараджане гасцявалі ў радні. Неяк увечары выпадкова сустрэлі мясцовага сяльчаніна. Хлопцы былі ў нецвярозым стане. Распачалі бойку і зламалі мужчыну два рабры. Пацярпелы звярнуўся ў міліцыю.

Злодзей на дачы
На дачу ў вёсцы Орцы пранік злодзей, пашкодзіўшы ўваходныя дзверы. Украдзены электрадрыль, шурупавёрт, шліфмашынка, дзве бутэлькі алкагольных напояў. Урон ацэнены ў 408 рублёў. Гаспадары дачы—мінчане. Яны паведамілі ў міліцыю пра крадзеж. Крымінальная справа ўзбуджана 28 ліпеня.

Скандал, якога не было
З вёскі Кацілава 30 ліпеня на 102 паступіла паведамленне пра хатні скандал. Пасынак расказаў, што п'яны айчым буяніць і б'е яго. Міліцыя дарэмна спяшалася на дапамогу—інфармацыя аказалася несапраўднай. На "пацярпелага" складзены пратакол за ілжывае паведамленне. Такое правапарушэнне караецца штрафам ад чатырох да пятнаццаці базавых велічынь. Матэрыял разгледзіць суд.


Прысваенне і растрата
У адносінах да дзвюх супрацоўніц райспажыўтаварыства 31 ліпеня ўзбуджана крымінальная справа па артыкуле 211 "Прысваенне або растрата". Загадчыца аднаго з магазінаў у Міёрах разам з прадаўцом з верасня мінулага года да пачатку сакавіка 2017-га прысвоілі і растрацілі прадукцыю і выручку на суму 3 988 рублёў.
***
Усяго ў ліпені ўзбуджана 21 крымінальная справа, раскрыта 14. Па лініі крымінальнага вышуку — 14 спраў, з якіх раскрыта 7. Найбольшую частку злачынстваў складаюць крадзяжы — 11, з іх 7 засталіся нераскрытымі.

Дзмітрый ХОМІЧ, начальнік
штаба раённага аддзела ўнутраных спраў.
Аляксандр ФУРС, начальнік
раённага аддзела Следчага камітэта.

скачать dle 11.3
рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Вконтакте
  • Facebook
  • OK
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 75 725
  • 0

Інвестыцыйны форум

  • 23 сентябрь 2011, 10:05
  • 35 103
  • 1

Кандыдатамі жадаюць стаць

  • 21 август 2012, 15:30
  • 12 627
  • 0

Пераброддзе 2012. Погляд вучонага

  • 31 август 2012, 15:19
  • 11 807
  • 0

Злавілі рыбку, ды… залатую

  • 28 февраль 2011, 16:16
  • 11 019
  • 0

  • 11 февраль 2011, 11:20
  • 10 746
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 3 902
  • 2
Курс валют в Беларусь
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 23 октября 2017
Андрей, Василий, Иннокентий

Именины 22 октября 2017
Авраам, Ефим, Константин, Максим, Петр, Яков

Госці краін
free counters
Партнеры сайта