Авторизация
 

У Міёрскі РАУС паступіла 48 паведамленняў і заяў

 З 4 па 10 ліпеня ў аператыўна-дзяжурную службу РАУС паступіла 48 паведамленняў і заяў пра ўчыненыя правапарушэнні і злачынствы. Узбуджана дзевяць крымінальных спраў. Складзены 244 пратаколы аб адміністрацыйных правапарушэннях.

Прызналіся самі
Двое міярчан, якія нідзе не працуюць, прызналіся ў крадзяжы, што ўчынілі напрыканцы сакавіка ў мехмайстэрні ААТ "Міёрскі райаграсэрвіс". Знялі акумулятары з машыны і трактара, з кабіны апошняга забралі набор інструментаў. Крымінальная справа ўзбуджана 4 ліпеня. Гэты крадзеж не адзіны на рахунку зламыснікаў. На перыяд следства яны пад вартай.


Забралі паліва і дрыль
Індывідуальны прадпрымальнік з Міёр паведаміў у міліцыю пра крадзеж на яго дачы ў вёсцы Свярдлы Міёрскага сельсавета. Злілі 40 літраў дызпаліва з трактара, прапала электрадрыль. Урон ацэнены ў 111 рублёў. 4 ліпеня ўзбуджана крымінальная справа. Асобы зламыснікаў устанаўліваюцца.


Пусты халадзільнік
Фарш, каўбаса, дзве пачкі тварагу— з такой здабычай пакінуў невядомы злодзей дом жыхара раёна. У жыллё пранік шляхам свабоднага доступу. Гаспадар звярнуўся ў міліцыю. Крымінальная справа ўзбуджана 4 ліпеня.


Пільны сусед
Жыхар вёскі Фралова Туркоўскага сельсавета папярэдзіў крадзеж з суседняга дачнага дома. Заўважыў незнаёмага п'янага мужчыну, які спрабаваў пранікнуць у жыллё. Да гэтага зламаў замок у гаспадарчай пабудове і забраў адтуль маёмасць. Злодзеем аказаўся раней судзімы работнік ААТ "Пад'ельцы". У адносінах да яго 4 ліпеня ўзбуджана крымінальная справа.


У дом праз акно
5 ліпеня ўзбуджана крымінальная справа па факце крадзяжу ў вёсцы Новы Пагост. Зламыснікі забраліся ў нежылы дом праз вакно: выбілі шкло, выставілі раму. Вынеслі пяць 20-літровых алюмініевых бідонаў, запчасткі ад телевізара і электраправодку. Пра здарэнне паведаміла гаспадыня, якая пражывае ў Перабродскім сельсавеце. Ідзе следства.


***
На дачу ў аграгарадку Туркова невядомая асоба таксама пранікла, выставіўшы аконную раму. З сабой прыхапіла сала, пяльмені, яйкі, каву і іншыя харчовыя прадукты. Гаспадыня дачнага дома жыве ў Наваполацку. Крадзеж заўважыла 6 ліпеня і патэлефанавала на 102. У той жа дзень узбудзілі крымінальную справу.


"Накасіў" на артыкул
У маі 25-гадовага міярчаніна прыцягнулі да адміністрацыйнай адказнасці за ўхіленне ад службы ў арміі. Папярэдзілі, што чакае за падобныя паводзіны далей. Павестку з ваенкамата прызыўнік зноў праігнараваў. 10 ліпеня ў адносінах да яго ўзбуджана крымінальная справа па артыкуле 435 "Ухіленне ад мерапрыемстваў прызыву на вайсковую службу".


Пра дачку забылася
У 33-гадовай міярчанкі ёсць непаўналетняя дачка, якую забралі з сям'і. Маці стала абавязанай асобай і штомесяц павінна выплочваць сродкі на дзіця. Чатыры месяцы яна без уважлівых прычын не выходзіла на працу. Запазычанасць склала больш за 200 рублёў. 10 ліпеня ў адносінах да абавязанай асобы ўзбуджана крымінальная справа.


Праблемны мак
5, 6 і 9 ліпеня на трох прысядзібных участках у Міёрах і Пад'ельцах выяўлены мак. Па 17, 2 і 20 кустоў. За забароненую расліну, якую вырошчвалі на падворку, гаспадары панеслі адміністрацыйную адказнасць. Нагадаем, што за мак на клумбе ці ў агародзе штраф да дваццаці базавых велічынь.


Нецэнзурны маналог
Жыхар Дзісны ў нецвярозым стане набраў з мабільнага нумар 102. У размове з памочнікам дзяжурнага за маўленнем не сачыў. За нецэнзурныя выразы прыцягнуты да адміністрацыйнай адказнасці па артыкуле 17.1 "Дробнае хуліганства". Матэрыял разгледзяць у судзе.


Дзмітрый ХОМІЧ,

начальнік штаба раённага

аддзела ўнутраных спраў.
Аляксандр ФУРС, начальнік

раённага аддзела Следчага камітэта.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 621
  • 0

Злавілі рыбку, ды… залатую

  • 28 февраль 2011, 16:16
  • 94 690
  • 0

Інвестыцыйны форум

  • 23 сентябрь 2011, 10:05
  • 90 630
  • 1

  • 11 февраль 2011, 11:20
  • 43 622
  • 0

Пераброддзе 2012. Погляд вучонага

  • 31 август 2012, 15:19
  • 42 719
  • 0

Кандыдатамі жадаюць стаць

  • 21 август 2012, 15:30
  • 36 760
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 921
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 2 декабря 2020
Адриан, Александр, Валентин, Вениамин, Геннадий, Герасим, Григорий, Денис, Дмитрий, Иван, Игнатий, Иларион, Константин, Леонид, Михаил, Петр, Порфирий, Сергей, Тимофей, Федор, Яков, Семен

Именины 1 декабря 2020
Николай, Платон, Роман

Госці краін

free counters
Партнеры сайта