Авторизация
 

Пяць тапельцаў за тыдзень, а купальны сезон яшчэ не пачаўся

Сёлета ў Беларусі паводле аператыўных дадзеных АСВОДА з пачатку года да 11 чэрвеня ахвярамі вады сталі 90 чалавек. Больш за ўсё загінуўшых у Магілёўскай (23), Брэсцкай (16) і Віцебскай абласцях (16).  Утапілася 5 непаўналетніх,  у тым ліку двое дзетак — у Прыдзвінскім краі. Як адзначае начальнік Міёрскай выратавальнай станцыі Алег Рубанік, на Віцебшчыне толькі за адзін тыдзень з 5 да 11 чэрвеня адбылося пяць трагічных выпадкаў на вадзе.

 

2 чэрвеня на возеры Люхава на ўскраіне Наваполацка скокнуў з пірса і патануў 24-гадовы нігерыец — слухач падрыхтоўчых курсаў Полацкага дзяржуніверсітэта. У гэты ж дзень вада забрала і 39-гадовага мужчыну ля вёскі Сенькова. Ставіў рыбалоўныя сеткі на сажалцы, заблытаўся ў іх і ўтапіўся.


4 чэрвеня ў вёсцы Рубеж Бешанковіцкага раёна з-за недагляду дарослых маленькі хлопчык захлынуўся ў сажалцы ля дома. А ў рацэ Дзісна ля вёскі Століца Шаркаўшчынскага раёна з-за прыступа эпілепсіі ля берага загінуў у вадзе 50-гадовы рыбак.


10 чэрвеня ля аграгарадка Узмёны на Заходняй Дзвіне падчас рыбалкі ўтапіўся 53-гадовы нецвярозы мужчына.
Супрацоўнікі службы выратавання адзначаюць, што купальны сезон ужо стартаваў. Надвор'е не цешыць цеплынёй. Тым не менш, ля вадаёмаў более адпачывальнікаў з надзіманымі матрацамі і іншымі прыстасаваннямі для плавання, з вудамі.


Адпачынак дарослых на прыродзе нярэдка суправаджаецца ўжываннем алкаголю. Між тым, купанне і "моцныя напоі" — несумяшчальныя. У п'янага чалавека замаруджаныя рэфлексы, ён не можа адэкватна ацэньваць сітуацыю і нярэдка стварае пагрозу сабе і навакольным. Дарослым і дзецям ля вады неабходна выконваць правілы бяспекі, патрабаваць іх захавання ад іншых.


Прыемнага і бяспечнага адпачынку ў новым купальным сезоне жадае Алег Рубанік і падкрэслівае: "Бяспека дарослых залежыць у асноўным ад іх саміх. А вось за дзяцей нясуць адказнасць бацькі і тыя, пад чыёй апекай яны знаходзяцца. Памятайце, вада не даруе бестурботнасці".

 

Фота для ілюстрацыі.
Эліза БЛАЖЭВІЧ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 631
  • 0

Злавілі рыбку, ды… залатую

  • 28 февраль 2011, 16:16
  • 95 017
  • 0

Інвестыцыйны форум

  • 23 сентябрь 2011, 10:05
  • 90 706
  • 1

  • 11 февраль 2011, 11:20
  • 43 659
  • 0

Пераброддзе 2012. Погляд вучонага

  • 31 август 2012, 15:19
  • 42 724
  • 0

Кандыдатамі жадаюць стаць

  • 21 август 2012, 15:30
  • 36 772
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 927
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 6 декабря 2020
Александр, Алексей, Борис, Григорий, Иван, Митрофан, Федор

Именины 5 декабря 2020
Алексей, Архип, Борис, Василий, Владимир, Герасим, Иван, Илья, Максим, Марк, Михаил, Павел, Петр, Фаддей, Федор, Прасковья, Афанасий, Яков

Госці краін

free counters
Партнеры сайта