У адказе райспажыўтаварыства на пісьмовы запыт рэдакцыі адзначаецца, што ва ўсіх гандлёвых прадпрыемствах рэалізуюцца прадукты з нізкім і сярэднім глікемічным індэксам, якія можна ўжываць і хворым на дыябет. Гэта хлеб чорны, макаронныя вырабы, мяса птушкі і паўфабрыкаты з яго, аўсяныя і грачаныя крупы, марская рыба, яйкі, гародніна, фрукты, малочныя прадукты, чай, кава, мінеральная вада, згушчанае малако з фруктозай і іншыя. У сельскія магазіны завозяць прадукцыю 2 разы на тыдзень, у магазіны горада—штодня.

Куткі "Здаровае харчаванне" створаны ў магазінах "Прадукты "Родны кут", "Цэнтральны", "Родны кут". Пакупнікам прапануюцца 2-3 найменні хлябцоў, кашы 2-х найменняў, пячэнне з сарбітам, мюслі, "Геркулес". Невялікі асартымент тлумачыцца тым, што пастаўшчык тавараў дыябетычнага і здаровага харчавання УП "Здаровы прадукт" адпускае іх па папярэдняй аплаце. Да канца ліпеня райспажыўтаварыства плануе зрабіць папярэднюю аплату і асартымент тавараў для хворых на дыябет павялічыцца.