Авторизация
 

Як папярэдзіць шаленства?

Шаленства — адно з самых небяспечных інфекцыйных захворванняў жывёл і чалавека. Часцей за ўсё ім хварэюць лісіцы, янотападобныя сабакі, ваўкі, барсукі, сабакі, кошкі, а таксама птушкі. Размова на гэту тэму з урачом-хірургам райпаліклінікі Іосіфам Казіміравічам Каплунам.

 

— Як чалавек можа заразіцца шаленствам?

— У першую чаргу пры ўкусе хворай жывёлай, а найбольш небяспечныя раны ў вобласці галавы, шыі і кісцей рук. Магчыма гэта, і калі сліна трапляе на слізістыя абалонкі вачэй, носа, рота, пашкоджаную скуру.

 

— Па якіх прыкметах можна распазнаць заразных жывёл?

— Хворая жывёла, як хатняя так і дзікая, не слухаецца гаспадара, неспакойная і агрэсіўная, можа збегчы са двара і кідацца на людзей. У сабакі, напрыклад, адвісаюць хвост і ніжняя сківіца, цячэ сліна. Асцярожна трэба быць з дзікімі жывёламі, бо яны ў такім стане прыходзяць у населеныя пункты.

 

— Раскажаце пра меры прафілактыкі?

— Абавязкова трэба рабіць прышчэпку супраць шаленства хатнім жывёлам у райветстанцыі. Выгульваць гадаванцаў неабходна ва ўстаноўленых месцах, а сабак — у намордніках і на ланцужку. Не дазваляйце мець зносіны ім з бяздомнымі. Калі ж вашу жывёлу пакусае дзікі звер, абавязкова звярніцеся да ветурача. Нельга таксама забіваць жывёлу, якая пакусала чалавека, за ёй павінна быць устаноўлена 10-дзённае назіранне. Пазбягайце кантактаў з ляснымі жыхарамі, якія забрылі ў населены пункт, аб чым тэрмінова паведаміце ў ветслужбу. Пры выяўленні трупаў звяроў, не чапайце іх, не здымайце скуру і праінфармуйце ветспецыялістаў.

 

— Што рабіць, калі жывёла ўжо ўкусіла?

— Адразу як мага глыбей прамыць рану вадой з мылам, бо так забіваецца да 80% вірусаў, затым апрацаваць перакісам вадароду, 70% спіртам ці ёдам. Абавязкова пасля трэба звярнуцца за медыцынскай дапамогай. Варта памятаць, што лепш папярэдне зрабіць прышчэпку ад шаленства. Цяпер гэта самы надзейны спосаб пазбегнуць захворвання!

 

Гутарыла Вольга ВІШНЕЎСКАЯ. 

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 12 мая 2021
Арсений, Артем, Василий, Иван, Федот

Именины 11 мая 2021
Виталий, Кирилл, Максим, Анна

Госці краін

free counters
Партнеры сайта