Авторизация
 

Сухоты: хвароба, якая "трымае абарону"

Туберкулёз застаецца распаўсюджаным захворваннем ва ўсім свеце : штогод паміраюць ад яго каля 3 мільёнаў чалавек, а заражаюцца — 8-10 млн. У Беларусі паказчык захворвання на сухоты склаў у 2012 годзе 39,6 на 100 тысяч насельніцтва, што на 3,9% ніжэй у параўнанні з 2011 годам. Найбольш хворых у Гомельскай і Магілёўскай абласцях.

 

Смяротнасць ад туберкулёзу за апошнія 15 гадоў паменшылася на 29,4% і склала 6,5 на 100 тысяч. Аднак эпідэмічная сітуацыя застаецца напружанай, бо гэтае інфекцыйнае захворванне характарызуецца вострай прагрэсіруючай працякальнасцю працэса, распаўсюджваннем лекаваўстойлівых форм.  Да таго ж, з'явіліся і новыя групы рызыкі па захворванні, у прыватнасці, мігранты з краін з высокім узроўнем захворваемасці на туберкулёз, ВІЧ-інфіцыраваныя, а таксама асобы, якія прыбылі з пенітэнцыярных устаноў. Дарэчы, асоб сацыяльнай рызыкі з цяжкасцю прыцягваюць да абследавання і лячэння, сярод іх часта дыягназуюцца распаўсюджаныя формы туберкулёзу з бактэрыявыдзяленнем, што ўяўляе небяспеку заражэння акружаючых іх людзей.

 

У раёне, на жаль, летась  адзначаны значны рост захворвання: у параўнанні з 2011 годам выяўлена хворых у 2,3 раза больш — 14 чалавек (у тым ліку з бацылавыдзяленнем — 9), што складае 57,85 на 100 тысяч насельніцтва. У папярэднім годзе сур'ёзны дыягназ быў пастаўлены 6 чалавекам, з іх толькі 3 мелі бацылавыдзяленне. Людзі з актыўнай формай туберкулёзу лёгкіх пры кашлі, размове, чханні напаўняюць паветра вялікай колькасцю бактэрый, якія могуць працяглы час заставацца ў памяшканнях, дзе няма добрага праветрывання, і трапляць у арганізм здаровага чалавека. Вялікай рызыцы заражэння сухотамі падвяргаюцца людзі, якія доўгі час знаходзяцца ў кантакце з хворым і маюць аслабленую імунную сістэму.

 

У ачагах сухотнай інфекцыі вельмі важна захоўваць меры прафілактыкі, а гэта цэлы комплекс мерапрыемстваў, накіраваных на прадухіленне перадачы інфекцыі. Перш за ўсё трэба звярнуць увагу на забеспячэнне правілаў гігіены. У хворага павінен быць па магчымасці асобны пакой, свой ложак, посуд, ручнік. Неабходна некалькі разоў на дні праветрываць памяшканне, праводзіць сістэматычна вільготную ўборку, не радзей аднаго разу ў месяц — генеральную з выкарыстаннем дэзінфіцыруючых сродкаў. Хворы абавязкова павінен карыстацца плявальніцай для збору макроты з наступным яе абеззаражваннем.

 

Для прафілактыкі гэтага небяспечнага інфекцыйнага захворвання  неабходна захоўваць правільны рэжым працы, рацыянальна і збалансавана харчавацца, адмовіцца ад курэння, наркотыкаў, злоўжывання спіртным, прымаць вясной полівітаміны, загартоўваць арганізм, займацца фізкультурай, весці здаровы лад жыцця, праводзіць мерапрыемствы па аздараўленні жыллёвага і вытворчага асяроддзя. Вельмі важна праводзіць (і гэта ў нас робіцца) прафілактычныя прышчэпкі супраць туберкулёзу.

 

Надзейны і бяспечны метад выяўлення туберкулёзу на ранніх стадыях развіцця — флюараграфічнае (рэнтгеналагічнае) і бактэрыялагічнае даследаванні. Не трэба ігнараваць праходжанне штогадовых медаглядаў, якія дапамагаюць выявіць хворых, назначыць ім лячэнне і пазбегнуць заражэння іншых людзей.

 

Р. МАЛІНОЎСКІ,

галоўны санітарны ўрач раёна;

А. ТАНКАВІД,

загадчыца аддзела эпідэміялогіі.

 

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 530
  • 0

Злавілі рыбку, ды… залатую

  • 28 февраль 2011, 16:16
  • 93 109
  • 0

Інвестыцыйны форум

  • 23 сентябрь 2011, 10:05
  • 90 149
  • 1

  • 11 февраль 2011, 11:20
  • 43 252
  • 0

Пераброддзе 2012. Погляд вучонага

  • 31 август 2012, 15:19
  • 42 668
  • 0

Кандыдатамі жадаюць стаць

  • 21 август 2012, 15:30
  • 36 714
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 817
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 31 октября 2020
Андрей, Гавриил, Давид, Иван, Иосиф, Николай, Сергей, Юлиан, Елизавета, Семен

Именины 30 октября 2020
Александр, Анатолий, Андрей, Антон, Иосиф, Кузьма, Леонтий, Сергей

Госці краін

free counters
Партнеры сайта