Надыйшла грыбная восеньская пара. Аднак, каб не азмрочыць сабе гэтыя залацістыя дні, неабходны прытрымлівацца некаторых правілаў. Вось асноўныя: —Не набывайце грыбы ў невядомых асобаў, бо прадукт можа быць забруджаны радыёнуклідамі, пестыцыдамі, солямі цяжкіх металаў. —Збірайце толькі прыдатныя да яды грыбы, не бярыце тыя, што выклікаюць сумненне, невядомыя, старыя і хворыя. —Старанна перабірайце і мыйце іх. —Не замарожвайце сырыя грыбы. —Перад прыгатаваннем папярэдне адварыце грыбы ў падсоленай вадзе 1-2 разы не менш 40 хвілін. Адвары злівайце. —Пры гатаванні грыбных страў карыстайцеся толькі кулінарынмі кнігамі і праверанымі рэцэптамі. —Не захоўвайце без холаду адвараныя грыбы і грыбныя стравы. Нават у халадзільніку пры тэмпературы ад 0 да +6 рэкамендуецца іх размяшчаць не больш чым на 1-2 сутак. —Грыбныя стравы выключце з меню дзяцей да 12 гадоў, хворых і пажылых людзей, бо грыбы высокаалергенны і цяжказасваяльны прадукт. —Пры кансерваванні грыбоў выкарыстоўваць лімонную кіслату або воцат. —Не захоўвайце без холаду і па некалькі гадоў грыбныя кансервы. —Калі крышка або банка з грыбнымі кансервамі ўздулася ці прадукт вам падаецца падазроным, ні ў якім разе не выкарыстоўвайце яго ў ежу, нават не дэгустуйце. Беражыце сябе і блізкіх, не рызыкуйце здароўем!