Аўтызм

Большасць педагогаў і нават многія медыкі маюць слабае ўяўленне пра аўтызм, а гэта выклікае цяжар пры ўстанаўленні дыягназу. Бацькі панічна баяцца звяртацца ў псіхіятрычную службу і імкнуцца вырашыць узнікшыя праблемы самастойна ці пры дапамозе псіхолагаў. Па прычыне скрытага характару захворвання цяжка меркаваць аб яго маштабах. Статыстыка сведчыць, што прыкладна 1% ад агульнай колькасці дзяцей дашкольнага ўзросту пакутуюць аўтызмам. Гэта азначае, што на практыцы кожная цэнтральная раённая паліклініка мае сярод сваіх пацентаў дзяцей з аўтызмам ці аўтызтычнымі расстройствамі.

Узнікае хвароба ў выніку спадчынных асаблівасцей, прыроджаных недахопаў развіцця, інфекцыйных захворванняў, стрэсаў, перанесеных жанчынай у час цяжарнасці, аслабленага імунітэту ў дзіцяці. Як ні дзіўна, да іх адносяцца і парушэнні ўсмоктваючай здольнасці кішэчніка. Гэта значыць, аўтызм могуць выклікаць нават перенесеныя дзіцём у раннім узросце дысбактэрыёзы. Да хваробы можа прывесці недахоп у арганізме асобных ферментаў, адказных за расшчапленне пэўных бялкоў. Фактарамі яго развіцця з’яўляюцца солі цяжкіх металаў і іншыя хімічныя рэчывы, якія ўтрымліваюцца ў навакольным асяроддзі.

Аўтызм—гэта адыход дзіцяці ў яго ўласны свет, дзе яно жыве па ўласных канонах і толькі зрэдку выходзіць адтуль для зносін.

Аб пастаноўцы дыягназу можна меркаваць прыкладна з двух гадоў, калі дзіця пачынае размаўляць. Хвароба можа працякаць па-рознаму. Бывае, што дзіця спачатку наогул не размаўляе, а свае эмоцыі выказвае праз нехарактэрныя гукі. А здараецца, што малы развіваецца нармальна, умее размаўляць, аднак проста не хоча карыстацца гэтай магчымасцю.

Каб назначыць лячэнне хворым дзецям—неабходна правесці комплекснае абследаванне і скласці індывідуальную праграму. Пры гэтым медыцынская карэкцыя павінна цесна спалучацца з педагогікай. Праграма карэкцыі распрацоўваецца індывідуальна і працягваецца ўсё жыццё.

В. БАРАВІК, урач-псіхіятр.

0 комментариев

Добавить комментарий

Информация
Комментировать статьи на сайте возможно только в течении 360 дней со дня публикации.