Авторизация
 

Смачна есці і добра выглядаць

Знешні выгляд і вясёлы настрой у жанчыны вельмі ўзаемазвязаны. Свежы колер твару, пяшчотная чыстая скура, здаровыя моцныя валасы радуюць заўсёды. І атрымліваць станоўчыя эмоцыі можна пастаянна. Калі ў вашым меню знойдзецца месца для «прадуктаў прыгажосці».

 

  Аўсянка, міс

Часцей снедайце аўсянай кашай. У зерні аўса ўтрымліваюцца розныя мікраэлементы, вітаміны А, В і РР, арганічныя кіслоты, кальцый і калій. Увесь гэты «карысны набор» на ваш знешні выгляд паўплывае найлепшым чынам. Скура будзе пяшчотнай і чыстай, а колер твару стане ідэальным. Разам з тым знікне праблема ломкіх валос.

 

  Морква: інструкцыя па ўжыванні

Тым, каго хвалюе сухасць скуры, рэкамендуецца морква. Яна багатая вітамінам А, якога не хапае вам. Аднак каб гэты вітамін засвоіўся арганізмам, яго неабходна спалучаць з тлушчамі. Напрыклад, заправіць салату з морквы алеем ці смятанай або дабавіць у маркоўны сок крыху вяршкоў.

 

 Мяса для тонусу

Скура губляе тонус з-за недахопу бялку. Таму не забывайцеся пакласці на талерку кавалачак варанага мяса. Павышаюць тонус скуры вітаміны В5, В6, В8. Іх дастаткова ў мясе птушкі, свініне і ялавічыне.

 

 Экзатычны фрукт

Час ад часу ешце на дэсерт ківі — і колер твару палепшыцца. Справа тут у бэтакараціне, якім багаты фрукт. Дарэчы, бэтакарацін спрыяе і прыгожаму загару. Таксама ківі ўтрымлівае значны запас вітаміна С. У якасці прафілактыкі старэння гэта тое, што трэба. Увогуле па вітаміннай дозе ківі прыраўноўваецца да аднаго сярэдняга лімона і замяняе 2 апельсіны і 4 мандарыны.

 

 Айчынны аналаг

Калі дазволіць сабе ківі мы можам не заўсёды, асабліва ў сённяшняй  сітуацыі з цэнамі, то з квашанай капустай такіх праблем быць не павінна. Яна таксама не бедная на вітамін С, паляпшае колер твару і дапамагае справіцца з праблемнай скурай. А малочная кіслата, што ўтрымліваецца ў квашанай капусце, ачышчае арганізм ад шлакаў.

Вядома, ва ўсім трэба ведаць меру. Празмернае захапленне нават карыснымі прадуктамі можа мець не самы лепшы вынік.

 

Падрыхтавала Кацярына СУРАВЕЦ.

 

 

 

рейтинг: 
Пакінуць каментар
иконка
Комментировать статьи на сайте возможно только в течении {days} дней со дня публикации.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 24 января 2022
Виталий, Владимир, Иосиф, Михаил, Николай, Степан, Терентий, Федор

Именины 23 января 2022
Анатолий, Григорий, Зиновий, Макар, Павел, Петр

Госці краін

free counters
Партнеры сайта