Авторизация
 

Птушыную хваробу спынiць вакцына

1
Разам з міграцыяй дзікіх пералётных птушак узнікае пагроза заражэння крылатых хваробай Ньюкасла, якую яшчэ называюць псеўдачумой. Яна вірусная, распаўсюджваецца і працякае хутка. Паражаюцца органы дыхання, страўнікава-кішэчны тракт і цэнтральная нервовая сістэма. 

Пры вострым цячэнні хваробы гіне 60-90 % птушкі. Успрымальныя да яе ўсе з атрада курыных: куры, індычкі, цацаркі, фазаны, паўліны і іншыя. Найбольш уразлівыя маладыя асобіны. Качкі і гусі ўстойлівыя, але могуць пераносіць інфекцыю латэнтна і быць вірусаносьбітамі. Крыніцай заражэння становіцца хворая птушка ў інкубацыйным перыядзе, а таксама грызуны і дзікія крылатыя.
Перадаваць хваробу могуць неабеззаражаныя птушкапрадукты і сыравіна: яйкі, мяса, подсціл, корм, пер’е і пух ад хворых асобін. А таксама кляшчы, забруджаны выдзяленнямі заражанай птушкі інвентар і іншыя рэчы, на якіх узбуджальнік здольны захоўвацца доўгі час. Вірус хваробы Ньюкасла можа знаходзіцца нават унутры яйка і выклікаць гібель эмбрыёнаў з рознымі септычнымі змяненнямі.
Інкубацыйны перыяд доўжыцца тры – сем дзён, зрэдку дзевяць – дванаццаць. Пры імгненным цячэнні апетыт у птушкі рэзка пагаршаецца, а затым знікае. Тэмпература цела можа павышацца да 44 градусаў, з’яўляюцца млявасць, маларухомасць, сімптомы паражэння нервовай і дыхальнай сістэм, развіваецца кан’юнктывіт, мутнее рагавіца. У ротавай і носавай поласцях назапашваецца шмат слізі. Птушка чхае, кашляе, «каркае» і дыхае адчыненай дзюбай. Частая прыкмета – вадкі стул, з выдзяленнем зялёнага памёту з крывёй. Пры паражэнні цэнтральнай нервовай сістэмы хада становіцца хісткай, птушка кружыць, з’яўляюцца паралічы шыі, крылаў, ног. Смерць наступае праз тры – дванаццаць дзён пасля пачатку хваробы пры моцным знясіленні. Пры падвострым і хранічным цячэнні назіраецца павышаная ўзбуджальнасць, сутаргі, парэзы і паралічы канечнасцяў, дрыгаценне галавы, перакручванне шыі.
Лячэння ад хваробы не вынайдзена, адзіны спосаб засцерагчыся – вакцынацыя. Птушка становіцца неўспрымальнай да інфекцыі праз 48-96 гадзін пасля прышчэпкі. Для гэтага неабходна даць ёй выпіць разведзеную ў вадзе вакцыну, папярэдне вытрымаўшы асобіну без вады на працягу чатырох – васьмі гадзін. Не рэкамендуецца вакцынаваць дарослых птушак у перыяд нясення яек.
!!! Разведзеную вакцыну жыхарам Міёршчыны будуць выдаваць бясплатна па сельскіх саветах: у Міёрскім і Туркоўскім – 18 красавіка, Завуццеўскім і Язненскім – 19 красавіка, Мікалаёўскім – 20 красавіка, Новапагосцкім і Узмёнскім – 21 красавіка, Перабродскім і Павяцкім – 22 красавіка. У Дзісне і Міёрах па вакцыну звяртайцеся ва ўчастковыя лячэбніцы 19 красавіка. Пры сабе неабходна мець чысты посуд. Папярэдне пра жаданне вакцынаваць птушку паведамляйце ў райветстанцыю на нумар 5 14 36.

Аляксандр КЕЗІК
рейтинг: 
Пакінуць каментар
иконка
Посетители, находящиеся в группе Гости, не могут оставлять комментарии к данной публикации.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 21 мая 2022
Адриан, Арсений, Иван

Именины 20 мая 2022
Антон, Давид, Иван, Иосиф, Михаил, Степан, Фаддей, Семен

Госці краін

free counters
Партнеры сайта