Авторизация
 

Самыя эфектыўныя вітаміны для барацьбы з COVID-19

 Рэкамендацый па прафілактыцы каронавіруснай інфекцыі шмат. Галоўныя: трымаць дыстанцыю ў грамадскіх месцах, пазбягаць блізкіх кантактаў з людзьмі, насіць сродкі індывідуальнай аховы, не датыкацца да твару, часцей мыць рукі, выкарыстоўваць санітайзеры. 

 
Важная роля і добра ўмацаванага імунітэту. Цяпер актыўна даследуецца патэнцыяльная карысць у прафілактыцы пяці кампанентаў. Іх вызначылі эксперты, якія вывучалі практыку і пратаколы, распрацаваныя вядомым амерыканскім спецыялістам, прафесарам, загадчыкам аддзялення пульманалогіі і інтэнсіўнай тэрапіі Медыцынскай школы Усходняй Вірджыніі Полам Марыкам. Па меркаваннях урачоў дапамагчы супрацьстаяць COVID-19 могуць:

 

ВІТАМІН С

У развіцці інфекцыйных хвароб дыхальных шляхоў вядучая роля акісляльнага стрэсу. Ён зніжае імунітэт, правакуе пашко- джанне тканак лёгкіх і развіццё запалення. Менавіта лёгкія паражае новы каронавірус. Вітамін С, які мае антыаксідантныя і супрацьзапаленчыя ўласцівасці, садзейнічае нейтралізацыі шкодных свабодных радыкалаў і абароне клетак лёгкіх ад іх агрэсіўнага ўздзеяння. Яшчэ гэта прызнаны імунастымулятар. Узмацняе выпрацоўку бялкоў інтэрферонаў, якія ўступаюць у барацьбу з вірусамі аднымі з першых.

 

ВІТАМІН Д3

Гэта комплексны рэгулятар імунітэту. Пры дастатковым паступленні ў арганізм узмацняецца супрацьвірусная абарона. А ў замежных навуковых аглядах паказана яго роля ў зніжэнні рызыкі інфекцый дыхальных шляхоў. Такі «бэкграунд» дазваляе меркаваць, што вітамін Д можа быць карысным у прафілактыцы каронавіруснай інфекцыі.

 
Вучоныя з Вялікабрытаніі паспрабавалі выявіць залежнасць паміж сярэднімі паказчыкамі ўзроўню вітаміну Д у насельнікаў той ці іншай краіны і колькасцю выпадкаў COVID-19. Мала яго ў арганізме жыхароў Італіі, Іспаніі і Швейцарыі, асабліва сярод пажылых. Менавіта тут адзначана высокая смяротнасць ад новай інфекцыі. Нягледзячы на тое, што методыка даследавання і вывады крытыкавалі, у вялікім значэнні «сонечнага» вітаміну для нашага здароўя сумненняў няма.

 
Пры дэфіцыце ўльтрафіялетавых промняў парушаецца выпрацоўка вітаміну Д. Яго недахоп не мае ярка выражаных сімптомаў у дарослых. Могуць быць болі ў касцях і мышцах, слабасць, зніжэнне настрою і імунітэту, санлівасць і хранічная стомленасць. Аднак толькі па самаадчуванні вызначыць, чаго не хапае арганізму, немагчыма, неабходны аналіз крыві на кальцый і вітамін Д.

 

ЦЫНК

У перыяд пандэміі ва ўсіх краінах свету заўважылі высокі попыт на прэпараты цынку, што невыпадкова. Яго недахоп зніжае актыўнасць імуннай сістэмы. Цяпер вывучаецца здольнасць цынку блакіраваць актыўнасць ферменту РНК-полімеразы каронавіруса і перашкаджаць яго размнажэнню. Таксама мяркуецца, што гэты мікраэлемент можа знізіць актыўнасць другога важнага ферменту – АПФ2, за кошт узаемадзення з якім вірус пранікае ў клетку.  Хто ведае, можа новыя прэпараты для абароны ад каронавіруснай інфекцыі будуць утрымліваць у тым ліку цынк. Для гэтага ёсць перадумовы.

 

ДЫГІДРАКВЕРЦЭТЫН

У амерыканскіх пратаколах выкарыстоўваецца кверцэтын. У нашым выпадку гэта падобнае па малекулярнай будове і функцыях рэчыва са складанай назвай дыгідракверцэтын – біяфлаваноід лістоўніцы сібірскай, які добра вядомы не толькі ў Расіі, таксама ў Амерыцы і Еўропе пад назвай «Таксіфалін».

 
Дыгідракверцэтын – унікальны прыродны біярэгулятар з шырокім спектрам дзеяння. Гэта эталонны антыаксідант, які перашкаджае разбурэнню клетачных мембран свабоднымі радыкаламі і развіццю запалення. Адначасова з гэтым ён садзейнічае павышэнню кіслароднага і энергетычнага забеспячэння клетак.

 
Яшчэ дыгідракверцэтын умацоўвае сценкі сасудаў і паляпшае мікрацыркуляцыю, валодае імунамадулюючымі, супрацьвіруснымі і цэлым шэрагам іншых уласцівасцей, якія дапамагаюць падтрымліваць функцыянальную актыўнасць лёгкіх. Дадзеныя даследавання з Кітая паказваюць, што дыгідракверцэтын вельмі перспектыўны супраць каронавіруса.

 

МЕЛАТАНІН

Якую карысць у абароне ад інфекцый можа аказаць «укалыхвальны гармон»? Так, ён вядомы як рэгулятар цыклу бадзёрасці і сну. Але гэта не адзіная ўласцівасць. Мелатанін – унікальная малекула, якая аказвае рэгулюючае ўздзеянне на многія фізіялагічныя функцыі і працэсы ў арганізме, валодае антыаксідантным, супрацьзапаленчым і імунамадулюючым эфектамі. Снатворнае яму ў дадзенай сітуацыі толькі ў плюс. Добра вядома, што хранічныя парушэнні сну павышаюць рызыку інфекцыйных захворванняў. Яшчэ мелатанін мае супрацьтрывожныя і антыдэпрэсіўныя ўласцівасці, дапамагаючы тым самым не панікаваць і не баяцца хваробы.

 
Для падтрымкі імунітэту ў перыяд вірусных атак пералічаныя прэпараты рэкамендуюць прымаць комплексна. Распрацавана і схема, але ўсё індывідуальна, таму трэба кансультавацца з урачом.

 

Па матэрыялах друку
падрыхтавала Наталія СТАНКЕВІЧ.

Фота для ілюстрацыі.

рейтинг: 
Пакінуць каментар
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 20 января 2021
Василий, Иван, Афанасий

Именины 19 января 2021


Госці краін

free counters
Партнеры сайта